லங்காசிறி FM
வட கொரியா ஏவுகணை தாக்குதல் - தென் கொரியா பதற்றம்
North Korea fires missile amid DMZ tensions: வட கொரியா ஏவிய ஏவுகணையால் தென் கொரியாவில் பதற்றம் ஏற்பட்டுள்ளது.
பாலிஸ்டிக் ஏவுகணையை ஏவிய வட கொரியா
வட கொரியா, சனிக்கிழமை அதிகாலை கிழக்கு கடல் நோக்கி பாலிஸ்டிக் ஏவுகணையை ஏவியது என்று தென் கொரிய இராணுவம் தெரிவித்துள்ளது.
இந்த நடவடிக்கை, சமீபத்தில் DMZ (Demilitarised Zone) பகுதியில் நடந்த வெடிப்புக்குப் பிறகு ஏற்பட்ட பதற்றத்தின் தொடர்ச்சியாகும். அந்த வெடிப்பில் மூன்று தென் கொரிய வீரர்கள் காயமடைந்தனர்.
ஏவுகணை, வட கொரியாவின் வோன்சான் பகுதியில் இருந்து ஏவப்பட்டதாக தென் கொரியாவின் Joint Chiefs of Staff (JCS) தெரிவித்துள்ளது.
இதையடுத்து தென் கொரியா, அமெரிக்கா மற்றும் ஜப்பான் இணைந்து “வலுவான பாதுகாப்பு நிலைப்பாடு” எடுத்து, தகவல் பகிர்வை அதிகரித்துள்ளனர்.
இந்த தாக்குதலுக்கு முன்னதாக, வட கொரியா தலைவர் கிம் ஜோங் உன்னின் சகோதரி கிம் யோ ஜோங், DMZ வெடிப்புக்கு மன்னிப்பு கோரவேண்டும் என்ற தென் கொரியாவின் கோரிக்கையை நிராகரித்தார்.
அவர் தென் கொரியாவை “அருவருப்பானது” எனக் குறிப்பிட்டு, எல்லை பேச்சுவார்த்தை முயற்சிகளை “கற்பனை” என விமர்சித்துள்ளார்.
தென் கொரியா மற்றும் ஐ.நா. கட்டளை, அந்த வெடிப்பு வட கொரியா அமைத்த கண்ணிவெடிகளால் ஏற்பட்டது என்று விசாரணையில் கண்டறிந்தது. ஆனால், வட கொரியா அதற்கு பொறுப்பேற்க மறுத்துள்ளது..
தென் கொரிய ஜனாதிபதி லீ ஜே மியூங், பதற்றம் அதிகரித்தாலும், வட கொரியாவை உரையாடலுக்கு திரும்ப அழைத்துள்ளார். அதேசமயம், வட கொரியா எல்லைப் பாதுகாப்பை வலுப்படுத்தும் நடவடிக்கைகளில் ஈடுபட்டுள்ளது. கண்ணிவெடிகள் அமைத்தல், டேங்க் தடுப்பு சுவர்கள் கட்டுதல் போன்றவை மேற்கொள்ளப்பட்டுள்ளன.
இந்த சம்பவம், வட கொரியா 2024-இல் தென் கொரியாவை 'முக்கிய எதிரி' என அறிவித்ததன் பின்னணியில் நடைபெறுவதால், இரு நாடுகளுக்கிடையேயான உறவுகள் மேலும் மோசமடைந்துள்ளன.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
நெடுந்தீவு மேற்கு, Jaffna, பாண்டியன்குளம், பிரான்ஸ், France, நோர்வே, Norway, ஜேர்மனி, Germany
29 Sep, 2026
புலோலி கிழக்கு, Villeneuve-Saint-Georges, France
30 Sep, 2026
முல்லைத்தீவு, கொய்யாத்தோட்டம், யாழ்ப்பாணம், Toronto, Canada
01 Oct, 2026
புங்குடுதீவு 9ம் வட்டாரம், புங்குடுதீவு 12ம் வட்டாரம், கொழும்பு
29 Sep, 2026
நெடுந்தீவு கிழக்கு, கொழும்பு, பாண்டியன்குளம், Brampton, Canada
26 Sep, 2026
மானிப்பாய், Florida, United States, Southgate, United Kingdom
24 Sep, 2026