லங்காசிறி FM
இந்தியாவின் தக்க பதிலடி... துருக்கி, அஜர்பைஜானுக்கு பறக்கும் பாகிஸ்தான் பிரதமர்: அவரது திட்டம் இதுதான்
இந்த மாத தொடக்கத்தில் இந்தியாவும் பாகிஸ்தானும் போர் நிறுத்தத்திற்கு ஒப்புக்கொண்ட போதிலும், இரு நாடுகளுக்கும் இடையிலான பதற்றம் இன்னும் அதிகமாகவே உள்ளது.
பாகிஸ்தான் பிரதமர்
பயங்கரவாதத்தை பாகிஸ்தான் ஆதரிப்பதை முன்னிலைப்படுத்த இந்தியா மற்ற நாடுகளுக்கு பிரதிநிதிகளை அனுப்பத் தொடங்கியுள்ளது. இந்த நடவடிக்கை சில நாடுகளை பதட்டப்படுத்தியுள்ளது, ஏனெனில் இது பாகிஸ்தானுக்கு பயங்கரவாத குழுக்களுடன் உள்ள தொடர்புகளை அம்பலப்படுத்துகிறது.
இதற்கிடையில், பாகிஸ்தான் பிரதமர் ஷேஹ்பாஸ் ஷெரீப் மே 25 முதல் மே 30 வரை ஆறு நாள் வெளிநாட்டுப் பயணத்தைத் தொடங்க இருக்கிறார். அவர் துருக்கி, அஜர்பைஜான், ஈரான் மற்றும் தஜிகிஸ்தான் ஆகிய நாடுகளுக்குச் செல்கிறார்.
இந்தியாவின் சமீபத்திய இராணுவ நடவடிக்கையான ஆபரேஷன் சிந்தூரின் போது இரு நாடுகளும் பாகிஸ்தானை ஆதரித்ததால், துருக்கி மற்றும் அஜர்பைஜானுக்கு அவர் விஜயம் செய்வார் என்பது உறுதி செய்யப்பட்டுள்ளது.
இந்தியாவின் ஆபரேஷன் சிந்தூரை துருக்கி விமர்சித்தது மட்டுமல்லாமல், பாகிஸ்தானுக்கு ட்ரோன்களையும் வழங்கியது. இந்த ட்ரோன்கள் இந்திய இராணுவப் பகுதிகள் மற்றும் நகரங்களை குறிவைக்கப் பயன்படுத்தப்பட்டதாகக் கூறப்படுகிறது.
நன்றி தெரிவிக்கவும்
இருப்பினும், இந்தியாவின் வான் பாதுகாப்பு அமைப்புகள் அவற்றைச் சுட்டு வீழ்த்தின. இந்த நடவடிக்கையின் போது அஜர்பைஜானும் பாகிஸ்தானை ஆதரித்தது.
பயங்கரவாத முகாம்கள் மீதான இந்தியாவின் இராணுவத் தாக்குதல்களை அது கடுமையாகக் கண்டித்தது மற்றும் பாகிஸ்தான் மக்களுக்கு ஆதரவைத் தெரிவித்தது.
நான்கு நாடுகளின் தலைவர்களுடன் பிராந்திய மற்றும் உலகளாவிய பிரச்சினைகள் குறித்து விவாதிக்க பிரதமர் ஷெஹ்பாஸ் ஷெரீப் இந்தப் பயணத்தைப் பயன்படுத்தலாம் என்று பாகிஸ்தான் வெளிவிவகார அமைச்சகம் தெரிவித்துள்ளது.
மட்டுமின்றி, இந்தியாவுடனான சமீபத்திய மோதலின் போது பாகிஸ்தானுடன் நின்றதற்காக இந்த நாடுகளுக்கு தனிப்பட்ட முறையில் நன்றி தெரிவிக்கவும் இந்த வாய்ப்பை ஷெரீப் பயன்படுத்துவார் என உள்ளூர் ஊடகங்கள் தெரிவிக்கின்றன.
இந்தியாவின் ராஜதந்திர அழுத்தத்தால் அதிகரித்து வரும் நெருக்கடிகளுக்கு மத்தியில், சர்வதேச ஆதரவைப் பெறுவதற்கான பாகிஸ்தானின் முயற்சியாக இந்த சுற்றுப்பயணம் பார்க்கப்படுகிறது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
கொழும்பு, புங்குடுதீவு 10ம் வட்டாரம், ஜேர்மனி, Germany, Scarborough, Canada
25 May, 2021
ஆவரங்கால், Bremerhaven, Germany, Fribourg, Switzerland, Chennai, India
24 May, 2021
அச்சுவேலி, சுன்னாகம், யாழ்ப்பாணம், London, United Kingdom
19 May, 2025
புங்குடுதீவு 9ம் வட்டாரம், கிளிநொச்சி, டென்மார்க், Denmark, London, United Kingdom
01 Jun, 2015
