லங்காசிறி FM
அடுத்த 5 வருடங்களில் 100 பில்லியன் டொலருக்கான வர்த்தக வளர்ச்சி: இந்தியாவும் ரஷ்யாவும் தீவிரம்
கடந்த நான்காண்டுகளில் முதல் முறையாக இந்தியா விஜயம் செய்துள்ள விளாடிமிர் புடின், ஆயுதங்கள் மற்றும் கடல்வழியாக எண்ணெய் விற்பனை உள்ளிட்டவையில் இந்தியாவுடன் விவாதித்துள்ளார்.
100 பில்லியன் டொலர்
ரஷ்ய ஜனாதிபதி விளாடிமிர் புடின் மற்றும் இந்தியப் பிரதமர் நரேந்திர மோடி ஆகியோர் வெள்ளிக்கிழமை புது டெல்லியில் உச்சிமாநாட்டுப் பேச்சுவார்த்தைகளைத் தொடங்கினர்.
ரஷ்ய தலைவருக்கு இந்தியா சிவப்பு கம்பள வரவேற்பு அளித்ததுடன், உக்ரைனில் அமைதி முயற்சிகளை இந்தியா ஆதரிப்பதாகவும் பிரதமர் மோடி அவரிடம் கூறினார்.
இந்தியா ரஷ்யாவிலிருந்து எண்ணெய் வாங்குவது தொடர்பாக ஜனாதிபதி டொனால்ட் ட்ரம்ப் விதித்த தண்டனை வரிகளைக் குறைப்பதற்கான வர்த்தக ஒப்பந்தம் தொடர்பாக இந்தியா தரப்பு அமெரிக்காவுடன் பேச்சுவார்த்தை நடத்தி வரும் நிலையில் ரஷ்ய ஜனாதிபதியின் விஜயம் அமைந்துள்ளது.
பல தசாப்தங்களாக இந்தியாவின் முன்னணி ஆயுத சப்ளையராக ரஷ்யா இருந்து வருகிறது. மேலும் 2030 ஆம் ஆண்டுக்குள் வர்த்தகத்தை 100 பில்லியன் டொலர்களாக அதிகரிக்கும் முயற்சியாக, அதிக இந்தியப் பொருட்களை இறக்குமதி செய்ய விரும்புவதாகவும் ரஷ்யா கூறியுள்ளது.
அமெரிக்க அழுத்தம்
இந்தியாவின் எண்ணெய் இறக்குமதிகள் காரணமாக இதுவரை அது தங்களுக்கு சாதகமாகவே இருந்து வந்துள்ளதாக ரஷ்யா குறிப்பிட்டுள்ளது. 2022ல் உக்ரைன் மீதான படையெடுப்பை அடுத்து ஐரோப்பிய நாடுகள் ரஷ்ய எண்ணெய் இறக்குமதியை கைவிட்ட நிலையில்,
இந்தியா தள்ளுபடி விலையில் ரஷ்ய கச்சா எண்ணெய் வாங்குவதை அதிகரித்தது. ஆனால், இந்த ஆண்டு அமெரிக்க வரிகள் மற்றும் தடைகளின் அழுத்தத்தின் கீழ் அதைக் குறைத்தது.
இந்த நிலையில், முறையான பேச்சுவார்த்தைகளின் முடிவில் இரு தரப்பினரும் பல ஒப்பந்தங்களை அறிவிப்பார்கள் என்று எதிர்பார்க்கப்படுகிறது.
ரஷ்யாவில் யூரியா ஆலையை கூட்டாக அமைப்பதற்காக, ரஷ்யாவின் முன்னணி பொட்டாஷ் மற்றும் அம்மோனியம் நைட்ரேட் உற்பத்தியாளரான உரால்கெம் குழுமத்துடன் இந்திய நிறுவனங்கள் ஒரு ஒப்பந்தத்தில் கையெழுத்திடும் என்று எதிர்பார்க்கப்படுகிறது.
ரஷ்யாவின் முதன்மையான வங்கிகளான Gazprombank மற்றும் Alfa Bank ஆகியவை இந்தியாவுடனான வர்த்தகத்தை அதிகரிக்க ரஷ்யாவிற்கு உதவும் வகையில், இந்தியாவில் செயல்படத் தொடங்குவதற்கான ஒப்புதலையும் கோரியுள்ளதாக தகவல் வெளியாகியுள்ளது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள் |
புங்குடுதீவு 2ம் வட்டாரம், புங்குடுதீவு 10ம் வட்டாரம், St. Gallen, Switzerland
03 Dec, 2025
அனலைதீவு 3ம் வட்டாரம், சங்கானை, யாழ்ப்பாணம், Scarborough, Canada
27 Nov, 2025
கரம்பொன் மேற்கு, ஊர்காவற்துறை, கொழும்பு, வவுனியா, Southall, United Kingdom, East Ham, United Kingdom
30 Nov, 2025
துன்னாலை, கிளிநொச்சி, நெதர்லாந்து, Netherlands, London End, United Kingdom
04 Dec, 2018
யாழ்ப்பாணம், கொழும்பு, கன்பெறா, Australia, சிட்னி, Australia
11 Nov, 2025
திருநெல்வேலி, யாழ்ப்பாணம், Kachcheri, நல்லூர், London, United Kingdom
03 Dec, 2009
