லங்காசிறி FM
அண்டை நாட்டை மோதலுக்கு இழுக்கிறது நேட்டோ: ரஷ்ய உளவு அமைப்பு பகிரங்க குற்றச்சாட்டு
மால்டோவாவை நேட்டோ அமைப்பு மோதலுக்கு இழுப்பதாக ரஷ்ய உளவு அமைப்பு குற்றம்சாட்டியுள்ளது.
ரஷ்யாவின் வெளிநாட்டு உளவு நிறுவனம்
உக்ரைனியில் நடந்து வரும் போருக்கு இடையே, நாட்டை இராணுவமயமாக்குவதன் மூலம் ரஷ்யாவுடன் ஒரு சாத்தியமான இராணுவ மோதலை நோக்கி, அண்டை நாடான மால்டோவாவை நேட்டோ தள்ளுவதாக ரஷ்யாவின் வெளிநாட்டு உளவு நிறுவனம் குற்றம்சாட்டியுள்ளது. 
இதுதொடர்பாக SVR வெளியிட்ட அறிக்கையில், "மேற்கத்திய இராணுவ கூட்டணி மால்டோவாவை கிழக்குப் பகுதியில் ஒரு முன்னோக்கிய தளமாக மாற்றுகிறது. ரஷ்யாவுடன் சாத்தியமான ஆயுத மோதலுக்கு மால்டோவாவை இழுக்க நேட்டோ தீவிரமாக தயாராகி வருகிறது" என கூறியுள்ளது.
மேலும், விரைவான துருப்புக்கள் அனுப்புதல் மற்றும் ஆயுத சேமிப்பை செயல்படுத்த, இராணுவ பயிற்றுனர்களை நியமித்தல், பயிற்சி மையங்களைத் திறப்பது மற்றும் விமான நிலையங்கள், ரயில்வே மற்றும் பாலங்கள் உட்பட மால்டோவா உள்கட்டமைப்பை மேம்படுத்துதல் போன்றவற்றில் நேட்டோ ஈடுபட்டுள்ளதாக SVR குற்றம்சாட்டியுள்ளது. 
SVRயின் அறிக்கையில் சாண்டு மற்றும் உக்ரேனிய ஜனாதிபதி வோலோடிமிர் ஜெலென்ஸ்கி மீது தனிப்பட்ட தாக்குதலும் அடங்கும். அவர்களின் மேற்கத்திய ஆதரவு நிலைப்பாட்டைக் குறிப்பிடும் வகையில் எரிச்சலூட்டும் மொழியைப் பயன்படுத்தியது.
பதட்டங்கள் அதிகரிப்பு
ரஷ்யாவிற்கும், மால்டோவிற்கும் இடையிலான பதட்டங்கள் சமீபத்திய ஆண்டுகளில் கடுமையாக அதிகரித்துள்ளன.
தங்கள் அரசியல் நிறுவனங்களை சீர்குலைக்கவும், தேர்தல்களில் தலையிடவும் ரஷ்யா முயற்சிப்பதாக மால்டோவா குற்றம்சாட்டியுள்ளது.
ஆனால், ரஷ்யாவோ இந்தக் குற்றச்சாட்டுகளை மறுத்து அவற்றை ரஷ்ய எதிர்ப்பு "வெறி" என்று அழைத்தது. 
மேலும், மால்டோவா இருதரப்பு உறவுகளை வேண்டுமென்றே நாசப்படுத்துவதாக பதிலுக்கு குற்றம்சாட்டியது.
சமீபத்தில் இருதரப்பு உறவுகள் மோசமடைந்து வருவதால், இருநாடுகளும் டஜன் கணக்கான தூதர்களை வெளியேற்றின என்பது குறிப்பிடத்தக்கது. 
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
யாழ்ப்பாணம், முகத்தான்குளம், செட்டிக்குளம், Liverpool, United Kingdom
20 Jun, 2025
வேலணை மேற்கு, வரக்காப்பொல, கிருலப்பனை, பரிஸ், France, Scarborough, Canada
26 Jun, 2024
வல்வெட்டித்துறை, கரவெட்டி, உடுப்பிட்டி, Trichy, British Indian Ocean Terr.
06 Aug, 2020
