லங்காசிறி FM
உக்ரைன் அமைதி பேச்சுவார்த்தை: புடின், டிரம்ப் பங்கேற்பு ரத்து! போர் முடிவுக்கு வருமா?
உக்ரைன் அமைதிப் பேச்சுவார்த்தையில் ரஷ்ய ஜனாதிபதி புடின் பங்கேற்கவில்லை என தகவல் வெளியாகியுள்ளது.
புடின், டிரம்ப் பங்கேற்பு ரத்து
ரஷ்யா-உக்ரைன் போர் முடிவுக்கு வருமா என்ற எதிர்பார்ப்பில், துருக்கியில் நடைபெறவிருந்த அமைதி பேச்சுவார்த்தையில் முக்கிய தலைவர்கள் பங்கேற்கவில்லை.
ரஷ்ய ஜனாதிபதி விளாடிமிர் புடின் மற்றும் அமெரிக்க ஜனாதிபதி டொனால்ட் ட்ரம்ப் ஆகியோர் இந்த பேச்சுவார்த்தையில் கலந்து கொள்ளவில்லை என்பது குறிப்பிடத்தக்கது.
வியாழக்கிழமை துருக்கியில் நடைபெறவிருந்த இந்த பேச்சுவார்த்தையில், ரஷ்ய பிரதிநிதிகள் குழுவில் ஜனாதிபதி புடின் பங்கேற்க மாட்டார் என்று அதிகாரப்பூர்வமாக அறிவிக்கப்பட்டுள்ளது.
ஜனாதிபதியின் உதவியாளர் விளாடிமிர் மெடின்ஸ்கி, துணை வெளியுறவு அமைச்சர் கலூசின் மிகைல் யூரிவிச் மற்றும் துணை பாதுகாப்பு அமைச்சர் அலெக்சாண்டர் ஃபோமின் ஆகியோர் மட்டுமே ரஷ்ய பிரதிநிதிகளாக பங்கேற்க உள்ளனர்.
அமைதி பேச்சுவார்த்தைக்கு அழைத்த புடின்
முன்னதாக, கடந்த புதன்கிழமை அன்று, உக்ரைனுடன் "எந்த முன்நிபந்தனையும் இல்லாமல்" இஸ்தான்புல்லில் நேரடி பேச்சுவார்த்தை நடத்த புடின் முன்மொழிந்தார்.
இதற்கு பதிலளித்த உக்ரைன் ஜனாதிபதி வோலோடிமிர் ஜெலென்ஸ்கி, ரஷ்ய ஜனாதிபதி புடினை நேருக்கு நேர் சந்திக்கும் பேச்சுவார்த்தைக்கு அழைப்பு விடுத்தார்.
அதே நேரம், புடின் கலந்து கொண்டால், தானும் கலந்து கொள்ள யோசிப்பதாக ட்ரம்ப் முன்னர் கூறியிருந்தது குறிப்பிடத்தக்கது. இதற்கிடையில், முன்னாள் அமெரிக்க அதிபர் டொனால்ட் டிரம்ப் துருக்கி பேச்சுவார்த்தையில் பங்கேற்க மாட்டார் என்று அமெரிக்க அதிகாரி ஒருவர் உறுதிப்படுத்தியுள்ளார்.
உக்ரைன் ஜனாதிபதி ஜெலென்ஸ்கி, புடின் கலந்து கொண்டால் மட்டுமே தான் பங்கேற்பேன் என்று நிபந்தனை விதித்திருந்த நிலையில். தற்போது புடின் மற்றும் ட்ரம்ப் இருவருமே பங்கேற்காததால், இந்த அமைதி பேச்சுவார்த்தை எந்த மாதிரியான முடிவுகளை எடுக்கும் என்பது கேள்விக்குறியாக உள்ளது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
புங்குடுதீவு 10ம் வட்டாரம், Biel/Bienne, Switzerland, Brampton, Canada
17 Apr, 2025
Klang, Malaysia, யாழ்ப்பாணம், London, United Kingdom, சிட்னி, Australia
11 May, 2025
துன்னாலை, ஆத்தியடி பருத்தித்துறை, திருகோணமலை, கோண்டாவில், வெள்ளவத்தை, New Jersey, United States, Toronto, Canada
14 May, 2023
யாழ்ப்பாணம், Edinburgh, Scotland, United Kingdom, London, United Kingdom
07 May, 2025
அனலைதீவு 7ம் வட்டாரம், Toronto, Canada, Michigan, United States, Altena, Germany
10 May, 2025
புங்குடுதீவு 8ம் வட்டாரம், கொழும்பு, முல்லைத்தீவு, Den Helder, Netherlands
10 May, 2020
