லங்காசிறி FM
ரஷ்யா கைப்பற்றிய உக்ரைன் பகுதிகளில் உலோக ஆய்வில் ஈடுபடவுள்ள பில்லியனர்
ரஷ்யாவால் கைப்பற்றப்பட்டுள்ள உக்ரைன் பகுதிகளில் அரிதான உலோக ஆய்வில் ஈடுபடவுள்ளதாக ரஷ்ய தொழிலதிபர் ஒருவர் கூறியுள்ளார்.
ரஷ்யாவின் மிகப்பெரிய உலோக நிறுவனமான நோர்னிக்கலின் (Nornickel), தலைமை நிர்வாக அதிகாரியும் பங்குதாரருமான ரஷ்ய பில்லியனர் விளாடிமிர் போடானின் (Vladimir Potanin), அரிதான உலோகங்கள் தொடர்பான புதிய ஆய்வு திட்டங்களை ஆராய்ந்து வருவதாக தெரிவித்தார்.
அரிதான உலோகங்கள் மற்றும் பிற முக்கிய உலோகங்கள் உயர் தொழில்நுட்பத் துறைகளுக்கு முக்கியமானவை.
உலகளவில், குறிப்பாக அமெரிக்க ஜனாதிபதி டொனால்டு டிரம்ப் சீனாவின் ஆதிக்கத்தை எதிர்க்க முயற்சிப்பதன் காரணமாக, இந்த உலோகங்களுக்கு மிகுந்த முக்கியத்துவம் கிடைத்துள்ளது.
புதிய ரஷ்ய பிரதேசங்கள்
"ரஷ்யாவிலும், புதிய ரஷ்ய பிரதேசங்களிலும் உள்ள பல புவியியல் வளங்கள் முறையாக ஆய்வு செய்யப்படவில்லை. சோவியத் யூனியன் காலத்தில் மேற்கொள்ளப்பட்ட பல புவியியல் ஆய்வுகள் மற்றும் அதன் முடிவுகள் காலத்திற்குள் மறைந்துவிட்டன. இதை மீண்டும் புதுப்பிக்க வேண்டிய தேவையுள்ளது," என போடானின் தெரிவித்தார்.
அவர் குறிப்பிட்டுள்ள "புதிய ரஷ்ய பிரதேசங்கள்" என்பது, ரஷியாவின் கட்டுப்பாட்டில் உள்ள கிழக்கு உக்ரைன் பகுதிகளைக் குறிக்கும். இது சர்வதேச அரசியலில் பெரும் எதிர்ப்பையும் சர்ச்சையையும் ஏற்படுத்தும் விடயமாக இருக்கலாம்.
ரஷ்ய ஜனாதிபதி விளாடிமிர் புடின், ரஷ்யாவின் அரிதான உலோக வளங்களை ஆராய்வதில் அமெரிக்காவுக்கு இணைந்து வேலை செய்யும் வாய்ப்பை வழங்க உள்ளதாக அறிவித்துள்ளார். இந்த வளங்கள் உக்ரைனை விட அதிகமாக உள்ளன என்று அவர் கூறியுள்ளார்.
போடானின், இந்த உலோகங்கள் ஆய்வுக்கு தேவையான தொழில்நுட்ப உதவிகளை பெறுவதற்கு சர்வதேச கூட்டாளர்களை தேவைப்படும் எனவும், நோர்னிக்கல் நிறுவனம் இதுவரை இந்த துறையில் அனுமதிப் பத்திரம் பெறவில்லை எனவும் கூறினார்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
கந்தரோடை, பிரித்தானியா, United Kingdom
21 Mar, 2020
புங்குடுதீவு 10ம் வட்டாரம், புங்குடுதீவு 12ம் வட்டாரம், Rosny-sous-Bois, France
20 Mar, 2023
யாழ் கோண்டாவில் வடக்கு, Jaffna, Ilford, United Kingdom, Birmingham, United Kingdom
04 Mar, 2025
கோப்பாய் வடக்கு, Bochum, Germany, London, United Kingdom, Hayes, United Kingdom, Slough, United Kingdom
13 Mar, 2025
