லங்காசிறி FM
ரஷ்யாவின் புதிய அணு ஏவுகணையை எதைக்கொண்டும் தடுக்க முடியாது- எச்சரிக்கும் முன்னாள் ஜனாதிபதி
ரஷ்யாவின் புதிய ஓரேஷ்னிக் (Oreshnik) ஏவுகணையை எந்த மேற்கு நாடுகளின் பாதுகாப்பு அமைப்புகளாலும் தடுக்கவோ சுட்டுவீழ்த்தவோ முடியாது என ரஷ்யாவின் முன்னாள் ஜனாதிபதி டிமித்ரி மெத்வடேவ் கூறியுள்ளார்.
இந்த ஏவுகணை சில நிமிடங்களில் ஐரோப்பிய தலைநகரங்களுக்கு சென்று அடையக் கூடியது என்றும், இதன் தாக்கம் மிகவும் தீவிரமானதாக இருக்கும் என்றும் அவர் எச்சரித்துள்ளார்.
ஓரேஷ்னிக் ஏவுகணையின் திறன்
நவம்பர் 24 அன்று, ரஷ்ய ஜனாதிபதி புதின், உக்ரைனின் டினிப்ரோ நகரில் உள்ள ஒரு தொழிற்சாலையை இந்த புதிய ஏவுகணையால் (medium-range ballistic missile) தாக்கியதாக அறிவித்தார்.
இந்த ஏவுகணை அணுகுண்டு இல்லாத hypersonic சாதனத்துடன் சோதிக்கப்பட்டது என கூறினார்.
இந்த ஏவுகணை அணுகுண்டுடன் சேர்ந்தால், உக்ரைனின் கூட்டாளிகளுக்கு இதனால் ஏற்படும் அபாயங்கள் குறித்து புடினின் கூட்டாளிகள் எச்சரிக்கை விடுத்துள்ளனர்.
டெலிகிராம் வழியாக பேசிய டிமித்ரி மெத்வடேவ், “நவீன பாதுகாப்பு அமைப்புகளால் இந்த ஏவுகணைகளை தடுக்க முடியாது. பயங்கர தாக்கம் ஏற்படும். எனவே, உக்ரைனை ஆதரிப்பதை நிறுத்துவது மேல்” என எச்சரித்துள்ளார்.
உலக நாடுகளின் எதிர்வினை
இதனால், NATO அவசர கூட்டத்தைக் கூட்டியது. உக்ரைன் ஜனாதிபதி ஜெலன்ஸ்கி, ஓரேஷ்னிக் ஏவுகணையின் அடிபட்ட பகுதிகளில் இருந்து கிடைத்த பகுதிகளை மேற்கத்திய நாடுகளுடன் பகிர்ந்து கொள்ள நடவடிக்கைகளைத் தொடங்கியுள்ளார்.
அமெரிக்கா மற்றும் பிரித்தானியாவின் ஆதரவு
உக்ரைன், அமெரிக்காவின் ATACMS மற்றும் பிரித்தானியாவின் Storm Shadow ஏவுகணைகளை ரஷ்யாவின் படைகள் மீது பயன்படுத்தி வந்துள்ளது.
இதற்குப் பதிலடியாக ரஷ்யா தனது நவீன ஏவுகணைகளை மேலும் சோதிக்க தயாராக இருப்பதாக புடின் கூறியுள்ளார்.
ஓரேஷ்னிக் ஏவுகணையின் வருகை, உலகின் அணு ஆயுத சமநிலையை சவாலுக்கு உள்ளாக்கியுள்ளது. இதனை தடுக்க சர்வதேச நாடுகள் ஒத்துழைத்தாலேயே இயலும் என வல்லுநர்கள் வலியுறுத்துகின்றனர்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
Russian Nuclear Missile, Russia's Oreshnik Missile, Oreshnik
கொழும்பு, நியூ யோர்க், United States, Montreal, Canada, Toronto, Canada
02 Jan, 2026
மல்லாவி யோகபுரம், கொழும்பு, Kuala Lumpur, Malaysia, Toronto, Canada, அளவெட்டி
25 Dec, 2024
யாழ்ப்பாணம், இலங்கை, Toronto, Canada, Fairfield, United States, Rochester, United States, Annandale, United States
01 Jan, 2026
கரவெட்டி மேற்கு, டென்மார்க், Denmark, Milton Keynes, United Kingdom
10 Jan, 2021
Klang, Malaysia, யாழ்ப்பாணம், கலிஃபோர்னியா, United States
08 Jan, 2022