லங்காசிறி FM
புடினின் திட்டங்களை நாசமாக்க ரஷ்யாவிற்குள் உக்ரைன் உருவாகியுள்ள வலையமைப்பு
கிரெம்ளின் நடவடிக்கைகளை நாசப்படுத்த உக்ரைன் ரஷ்யாவிற்குள் முகவர்களின் வலையமைப்பை உருவாக்கியுள்ளதாக தகவல்கள் தெறிவிக்கின்றன.
ரஷ்யாவில் பல ஆளில்லா விமான தாக்குதல்
கடந்த சில நாட்களாக ரஷ்யாவில் பல ஆளில்லா விமான தாக்குதல்கள் நடந்துள்ளன. அவற்றில் மாஸ்கோவிற்கு அருகிலுள்ள குடியிருப்பு பகுதியில் நடந்த தாக்குதலும், தெற்கு ரஷ்யாவில் உள்ள எண்ணெய் சுத்திகரிப்பு நிலையத்தில் நடந்த தாக்குதலும் அடங்கும்.
இருப்பினும், அந்த தாக்குதல்கள் ரஷ்ய எல்லைக்குள் செயல்படும் உக்ரேனிய முகவர்களால் மேற்கொள்ளப்பட்டதா என்பது தெளிவாகத் தெரியவில்லை.
Reuters
அமெரிக்காவில் தயாரிக்கப்பட்ட ஆளில்லா விமானம் பயன்படுத்தப்படவில்லை
ரஷ்யாவில் உக்ரேனிய முகவர்களால் பயன்படுத்தப்பட்ட ட்ரோன்கள் உக்ரைனால் தயாரிக்கப்பட்டவை என்றும், ரஷ்யாவிற்குள் தாக்குதல்களை நடத்துவதற்கு அமெரிக்கா தயாரித்த ட்ரோன் எதுவும் பயன்படுத்தப்படவில்லை என்றும் ஆதாரங்கள் தெளிவுபடுத்துகின்றன.
உக்ரேனியப் படைகள் ரஷ்ய எல்லைக்கு அப்பால் நன்கு நடைமுறைப்படுத்தப்பட்ட கடத்தல் வழிகளை நிறுவி, ரஷ்யாவில் உள்ள அதன் செயல்பாட்டாளர்களுக்கு ட்ரோன் கூறுகளை அனுப்புவதாகவும், அங்கு அவர்கள் ட்ரோன்களைச் சேகரித்து ரஷ்ய இலக்குகள் மீது தாக்குதல்களை நடத்துவதாக ஆதாரங்கள் கூறுகின்றன.
Twitter
ரஷ்யா-உக்ரைன் எல்லை மிகவும் பரந்ததாகவும், கட்டுப்படுத்த கடினமாகவும் இருப்பதால், உக்ரைனுக்கு இது போன்ற கடத்தல் வழிகளை எல்லையில் அமைத்து அதன் சொந்த நலனுக்காக பயன்படுத்த கடவுளால் வழங்கவூட்ட வாய்ப்பாக உக்ரைன் பயன்படுத்திக்கொள்வதாக ஒரு ஐரோப்பிய உளவுத்துறை ஆதாரம் தெரிவித்துள்ளது.
"ரஷ்யாவிற்குள் தாக்குதல்கள் மற்றும் குண்டுவெடிப்புகள் தொடரும்"
இதற்கிடையில், உக்ரேனிய பாதுகாப்பு சேவையின் செய்தித் தொடர்பாளர் ஒருவர், ரஷ்யாவிற்குள் விவரிக்கப்படாத வெடிப்புகள் மற்றும் ட்ரோன் தாக்குதல்கள் தொடரலாம் என கூறியதால், ரஷ்யாவில் அதன் முகவர்களின் நெட்வொர்க் தொடர்ந்து செயலில் இருக்கும் என்பதைக் குறிக்கிறது.
"cotton" என்பது உக்ரேனியர்களால் வெடிப்புகளை விவரிக்க பயன்படுத்தப்படும் ஒரு வார்த்தையாகும், குறிப்பாக ரஷ்யா அல்லது உக்ரைனுக்குள் ரஷ்யா ஆக்கிரமிக்கப்பட்ட பிரதேசங்களில் நடக்கும் வெடிப்புகளை இது குறிக்கிறது.
"பாப்" என்பதற்கான ரஷ்ய வார்த்தைக்கும் "பருத்தி" என்பதற்கான உக்ரேனிய வார்த்தைக்கும் இடையே உள்ள ஒற்றுமை காரணமாக இந்த வார்த்தையானது போரின் ஆரம்ப கட்டங்களில் உருவானது.
பருத்தித்துறை, வவுனியா, Auckland, New Zealand, சிட்னி, Australia
18 Apr, 2025
கொக்குவில் மேற்கு, மட்டக்களப்பு, கொழும்பு, நெடுங்கேணி, Harrow, United Kingdom
13 Apr, 2025
புங்குடுதீவு 10ம் வட்டாரம், Biel/Bienne, Switzerland, Brampton, Canada
17 Apr, 2025
