லங்காசிறி FM
பதிலடி தாக்குதலுக்கு நாங்கள் தயார்: வெற்றி உக்ரைனுக்கே! ஜெலென்ஸ்கி சூளுரை
பதிலடி தாக்குதலுக்கு தற்போது நாங்கள் தயார் என உக்ரைன் ஜனாதிபதி ஜெலென்ஸ்கி நேர்காணல் ஒன்றில் தெரிவித்துள்ளார்.
முன்னேறும் உக்ரைனிய படைகள்
15 மாத கால போர் நடவடிக்கையில் உக்ரைனின் கிழக்கு, தெற்கு மற்றும் தென்கிழக்கு பகுதிகளை ரஷ்ய படைகள் தங்கள் கட்டுபாட்டிற்கு கொண்டுவந்துள்ளனர்.
இருப்பினும் ரஷ்ய படைகள் தொடர்ந்து முன்னேறுவதை உக்ரைனிய ஆயுதப் படைகள் தொடர்ந்து வெற்றிகரமாக தடுத்து வருகின்றனர்.
AP
மேலும் சமீபத்தில் ஜனாதிபதி ஜெலென்ஸ்கி வழங்கிய தகவலில், ரஷ்யாவின் அத்துமீறிய தாக்குதலில் விரைவில் உக்ரைன் பதிலடி கொடுக்கும் என்றும், அதற்காக தற்போது தயாராகி வருவதாகவும் தெரிவித்து இருந்தார்.
பதிலடி தாக்குதலுக்கு தயார்
இந்நிலையில் சனிக்கிழமையான இன்று ஒளிப்பரப்பான நேர்காணலில் ஜனாதிபதி ஜெலென்ஸ்கி முக்கிய தகவல் ஒன்றை தெரிவித்துள்ளார்.
அதில், ரஷ்யாவிடம் இழந்த பிராந்தியங்களை மீட்டெடுக்க நீண்ட காலமாக காத்திருந்த உக்ரைன், தற்போது பதிலடி தாக்குதல் நடத்த தயாராகி விட்டதாக தெரிவித்துள்ளார்.
மேலும் இதில் நாங்கள் வெற்றி பெறுவோம் என உறுதியாக நம்புவதாக உக்ரைனிய ஜனாதிபதி ஜெலென்ஸ்கி வோல் ஸ்ட்ரீட் ஜர்னலிடம்(Wall Street Journal) தெரிவித்துள்ளார்.
#Zelenskyy said that #Ukraine is ready for a counteroffensive. pic.twitter.com/haazTAxTXI
— NEXTA (@nexta_tv) June 3, 2023
அத்துடன் “இது எவ்வளவு காலம் எடுக்கும் என்று எனக்கு தெரியவில்லை, உண்மையை சொல்ல வேண்டுமென்றால் இவை பல்வேறு வழிகளில் செல்லலாம், இந்த முறை எங்கள் நடவடிக்கை முற்றிலும் மாறுபட்டதாக இருக்கும், இருப்பினும் அதனை நாங்கள் செயல்படுத்த போகிறோம், நாங்கள் இப்போது அதற்கு தயார்” என குறிப்பிட்டுள்ளார்.
கூடுதல் ஆயுதங்கள் வேண்டி உக்ரைன் ஜனாதிபதி ஐரோப்பிய நாடுகளுக்கு சமீபத்தில் சுற்றுப்பயணம் மேற்கொண்டு இருந்ததை தொடர்ந்து பல்வேறு மேற்கத்திய நாடுகள் ஆயுத உதவி வழங்க முன்வந்துள்ளனர் என்பது இங்கு குறிப்பிடத்தக்கது.
Twitter
பருத்தித்துறை, வவுனியா, Auckland, New Zealand, சிட்னி, Australia
18 Apr, 2025
கொக்குவில் மேற்கு, மட்டக்களப்பு, கொழும்பு, நெடுங்கேணி, Harrow, United Kingdom
13 Apr, 2025
புங்குடுதீவு 10ம் வட்டாரம், Biel/Bienne, Switzerland, Brampton, Canada
17 Apr, 2025
