பரிசோதிக்காமல் களமிறக்கிவிடப்பட்ட உக்ரைனின் புதிய ஆயுதம் - அதன் நிலை குறித்து வெளியான தகவல்கள்

முழுமையாக பரிசோதிக்கபடாமல் களமிறக்கிவிடப்பட்ட உக்ரைனின் புதிய ஆயுதத்தின் நிலை குறித்து சில தகவல்கள் வெளியாகியுள்ளன.

பழைய சோவியத் T-55 டாங்கின் அடிப்படையில் உருவாக்கப்பட்ட உக்ரைனின் புதுமையான தரைப்படை போர் வாகனமான BMP-55, மிக விரிவாக பரிசோதிக்கப்படாத ஒரு புரொட்டோடைப்பாக இருந்தது.

2025 ஏப்ரல் மாதம், இந்த வாகனம் போர்க்களத்தில் அழிக்கப்பட்டதாக புகைப்படங்கள் இணையத்தில் பரவியது.

போர்க்களத்தில் தோற்றதா?

ஏப்ரல் 22-ம் திகதி Vodohrai டெலிகிராம் சேனலில் இந்த வாகனத்தின் புகைப்படங்கள் வெளியானது.

புகைப்படங்களில் BMP-55 ஒரு பகுதியில் விட்டுவைக்கப்பட்டதாகவும், அதன் சில பகுதிகள் சேதமடைந்துள்ளதாகவும் தெரிகிறது. ஆனால் முழுமையான அழிவுக்கு சான்றுகள் இல்லை.  

BMP-55 என்பது என்ன?

BMP-55 என்பது Kharkiv Machine Building Design Bureau (KMBD) வடிவமைத்த ஒரு புரொட்டோடைப் வாகனம். பழைய T-55 டாங்கியை போர் வாகனமாக (infantry fighting vehicle) மாற்றும் நோக்குடன் உருவாக்கப்பட்டது.

அதிலுள்ள பீரங்கியை அகற்றிவிட்டு, என்ஜின் மற்றும் டிரான்ஸ்மிஷனை வாகனத்தின் முன்புறத்தில் மாற்றியமைத்ததால், பின்புறம் ரேம்ப் மூலம் படைவீரர்கள் இறங்க முடியும்.

பாதுகாப்பு வசதிகள்

BMP-55க்கு 40mm வரை பாதுகாப்பு கவசம் பொருத்தப்பட்டு, 14.5mm AP ரவுண்டுகளை தடுக்கக்கூடிய வகையில் NATO Level 4 பாதுகாப்பு தரம் பெற்றுள்ளது.

மேலும் TM-57 கண்ணிவெடிகுண்டுகளை தடுக்கக்கூடிய NATO Level 5 mine resistance வசதி கொண்டுள்ளது.

சிறப்பம்சங்கள்

• 12.7mm heavy machine gun
• இரண்டு anti-tank missile launcher
• 10 படைவீரர்களுக்கான இடம்
• 3 நபர் கொண்ட குழுவாக இயக்க முடியும்  

ரஷ்யாவிடம் சிக்கியதா?

BMP-55 தற்போது உக்ரைனிடம் உள்ளதா அல்லது ரஷ்யாவால் பிடிக்கப்பட்டதா என்பது தெளிவாகவில்லை.  

உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள்.

Ukraine BMP-55 IFV, BMP-55 tank conversion, Ukrainian T-55 modernization, Kharkiv Machine Building Design Bureau, Tactical IFVs Ukraine, Abandoned BMP-55, BMP-55 specifications, Ukraine battlefield prototype, Soviet tank upgrades Ukraine, BMP-55 photos April 2025