லங்காசிறி FM
உலகின் சக்திவாய்ந்த பாஸ்போர்ட் தரவரிசை: இலங்கை, இந்தியாவிற்கு கிடைத்துள்ள இடம்?
பாஸ்போர்ட் தரவரிசை அமைப்பான Henley & Partners உலகின் சக்திவாய்ந்த பாஸ்போர்ட்டுகளின் தரவரிசையை வெளியிட்டுள்ளது.
இந்தப் பட்டியலில் இலங்கைக்கு 93-வது இடமும், இந்தியாவிற்கு 82வது இடமும் கிடைத்துள்ளது.
சக்திவாய்ந்த பாஸ்போர்ட்டுகளின் தரவரிசையில் இலங்கையின் 93-வது இடத்தை South Sudan-ம் பகிர்ந்துகொள்கிறது.
இலங்கையின் பாஸ்போர்ட் மூலம் 44 நாடுகளுக்கு விசா இல்லாமல் பயணிக்கமுடியும்.
அதேபோல், 82வது இடத்தை இந்தியாவுடன் Senegal மற்றும் Tajikistan ஆகிய மேலும் இரண்டு நாடுகள் பகிந்துகொள்கின்றன.
இந்த ஆண்டு ஜனவரியில் வெளியிடப்பட்ட குறியீட்டுடன் ஒப்பிடுகையில் இந்தியாவின் தரவரிசை 3 இடங்கள் அதிகரித்துள்ளது.
இந்திய பாஸ்போர்ட்டின் மூலம் 58 நாடுகளுக்கு விசா இல்லாமல் பயணிக்கமுடியும். முன்னதாக, ஜனவரியில் வெளியிடப்பட்ட குறியீட்டில், இந்தியாவின் தரவரிசை 5 இடங்கள் சரிந்திருந்தது. 2023ல் இந்தியா 80வது இடத்தில் இருந்தது குறிப்பிடத்தக்கது.
முதல் 3 இடங்களைப் பிடித்துள்ள நாடுகள்:
195 நாடுகளில் விசா இலவச செல்லுபடியாகும் இந்தப் பட்டியலில் சிங்கப்பூரின் பாஸ்போர்ட் முதலிடத்தைப் பெற்றுள்ளது.
ஜப்பான், பிரான்ஸ், இத்தாலி, ஜேர்மனி மற்றும் ஸ்பெயின் ஆகிய நாடுகள் இரண்டாவது இடத்தில் உள்ளன. இந்த நாடுகளின் பாஸ்போர்ட்டை வைத்திருக்கும் ஒருவர் 192 நாடுகளுக்கு விசா இல்லாமல் பயணம் செய்யலாம்.
ஆஸ்திரியா, பின்லாந்து, அயர்லாந்து, லக்சம்பர்க், நெதர்லாந்து, தென் கொரியா மற்றும் ஸ்வீடன் ஆகியவை 191 நாடுகளில் இலவச விசா நுழைவு கொண்ட நாடுகளில் மூன்றாவது இடத்தில் உள்ளன.
சர்வதேச விமான போக்குவரத்து சங்கத்தின் தரவுகளின் அடிப்படையில் இந்த தரவரிசை வெளியிடப்பட்டுள்ளது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
யாழ் மண்கும்பான் கிழக்கு, Jaffna, Ivry-sur-Seine, France, புங்குடுதீவு 1ம் வட்டாரம்
12 Aug, 2025
கொக்குவில், Muscat, Oman, தாவடி, கொழும்பு, Melbourne, Australia
12 Sep, 2025
சரசாலை வடக்கு, சுவிஸ், Switzerland, England, United Kingdom
14 Sep, 2020
