லங்காசிறி FM
மனித வரலாற்றில் முதன் முதலில் ரஷ்ய பயங்கரவாத அரசு செய்த கொடூரம்! கொந்தளித்த ஜெலென்ஸ்கி
உக்ரைனின் அணுமின் நிலையத்தின் மீது தாக்குதல் நடத்தியதை ஜனாதிபதி ஜெலென்ஸ்கி நினைவு கூர்ந்துள்ளார்.
11 உக்ரேனியர்கள் பலி
உக்ரைனின் ஜபோரிஜ்ஜியா நகரை இலக்காகக் கொண்டு, ரஷ்யா நடத்திய ஏவுகணை தாக்குதலில் குடியிருப்புகளில் வசித்த 11 பேர் பரிதாபமாக பலியாகினர்.
இந்த சம்பவத்திற்கு கடும் கண்டனம் தெரிவித்த உக்ரைன் ஜனாதிபதி ஜெலென்ஸ்கி, ரஷ்யாவை பயங்கரவாத நாடு என குறிப்பிட்டுள்ளார்.
இதற்கிடையில் அவர் வெளியிட்ட பதிவில், 'ZNPP மீதான எங்களின் முழு கட்டுப்பாட்டை உடனடியாக திரும்பப் பெற வேண்டும், அதேபோல் அணுமின் நிலையம் தொடர்பில் ரஷ்யா மீது உலகளவில் தடைகள் வேண்டும்.
மேலும் ரஷ்யாவின் பயங்கரவாத வடிவத்திற்கு உலகில் இருந்து, குறிப்பாக கொள்கை ரீதியான பதில் தேவைப்படுகிறது. பாதுகாப்பை மீட்டெடுக்க எங்களுடன் இணைந்து பணியாற்றுவதற்காக சர்வதேச அணுசக்தி நிறுவனத்திற்கு நன்றி' என பதிவிட்டுள்ளார்.
@American Photo Archive / Alamy Stock Photo
ரஷ்யாவை கடுமையாக சாடிய ஜெலென்ஸ்கி
அவரது மற்றொரு பதிவில், 'ஒரு வருடத்திற்கு முன்பு, மனித வரலாற்றில் முதன் முதலில் பயங்கரவாத அரசு ஒரு அணுமின் நிலையத்தை பணயக் கைதியாக பிடித்தது. ஜபோரிஜியா NPP. ரஷ்யா ஆலை மீது துப்பாக்கிச் சூடு நடத்தியது.
அது அணுமின் நிலையத்தில் மறைந்திருக்கும் எங்கள் நகரங்களை மோசமாக தாக்கியது மற்றும் ZNPP-யின் பிரதேசத்தை ஒரு நடைமுறை ராணுவ பயிற்சி மைதானமாக மாற்றியது' என குற்றம்சாட்டியுள்ளார்.
@Twitter (ZelenskyyUa)
நெடுந்தீவு, முரசுமோட்டை, Vancouver, Canada, Mississauga, Canada
19 May, 2024
