லங்காசிறி FM
இந்தியா-ரஷ்யா கூட்டணியில் 200 ஹெலிகாப்டர் தயாரிக்கும் திட்டம் - உக்ரைன் போரால் தாமதம்
இந்தியா-ரஷ்யா கூட்டு முயற்சியில் 200 கமோவ் ஹெலிகாப்டர்கள் உற்பத்தி செய்யும் திட்டம் தற்போது தடைப்பட்டுள்ளதாக Times of India செய்தி வெளியிட்டுள்ளது.
உக்ரைன் போர், மேற்கத்திய நாடுகளின் பொருளாதாரத் தடைகள் மற்றும் கோவிட் பிந்தைய விநியோகச் சங்கிலித் தடைகள் ஆகியவை இந்த தாமதத்திற்கு காரணமாகும்.
இந்தியா மற்றும் ரஷ்யா இந்த ஒப்பந்தத்தில் 2015-ஆம் ஆண்டு கையெழுத்திட்டன.
பின்னர், ஹிந்துஸ்தான் ஏரோகிராஃப்டிக்ஸ் லிமிட்டெட் (HAL) மற்றும் ரஷ்ய ஹெலிகாப்டர்ஸ் இணைந்து Indo-Russian Helicopters Limited (IRHL) என்ற கூட்டுத் திட்டத்தை அமைத்தன.
HAL தலைவர் சுனில், “உக்ரைன் போர் மற்றும் தடை காரணமாக ரஷ்யா உற்பத்திப் பகுதிகளில் பெரும் சிக்கல்கள் சந்தித்து வருகிறது. பல இயந்திரங்கள் மற்றும் உயர் தரப்பாகங்கள் ஐரோப்பாவில் இருந்து வந்தன. இப்போது ரஷ்யா தங்களது இயந்திரத்தை சோதித்து வருகிறது” என தெரிவித்துள்ளார்.
இந்த திட்டத்தில் 135 ஹெலிகாப்டர்கள் இராணுவத்திற்காகவும், 65 விமானப்படைக்காகவும் திட்டமிடப்பட்டுள்ளது. தற்போது சான்றிதழ் நிலையை அறிவிக்கும்படி HAL கேட்டுள்ளது.
இதனைத் தொடர்ந்து, HAL தற்போது தன்னிச்சையான உற்பத்தித் திட்டங்களில் கவனம் செலுத்தி வருகிறது.
இதில் Light Utility Helicopter (LUH), Light Combat Helicopter (LCH), மற்றும் Indian Multi-Role Helicopter (IMRH) ஆகியவை முக்கியமானவை.
கர்நாடகாவின் தும்கூரில் உள்ள புதிய ஹெலிகாப்டர் தொழிற்சாலை, LUH உற்பத்தியில் முதன்மையாக செயல்படுகிறது. இதுவரை 8 LUHs தயாரிக்கப்பட்டுள்ளன. வருங்காலத்தில் LCH மற்றும் 12 டன் IMRH ஆகியவை இங்கு உற்பத்தியாகும்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
India Russia helicopter deal 2025, Kamov helicopter project stalled, Indo-Russian Helicopters Limited, HAL LUH LCH IMRH production, Ukraine war sanctions impact, HAL Tumakuru helicopter plant, Defence manufacturing India 2025, HAL chopper projects India
கரம்பொன் கிழக்கு, பண்டத்தரிப்பு, கொழும்பு சொய்சாபுரம், London, United Kingdom, Borehamwood, United Kingdom
17 Aug, 2025