கைதாணை வெளியிட்ட நீதிமன்றம்... சரணடைந்த பிரபல நாட்டின் முன்னாள் ஜனாதிபதி

தென் கொரிய முன்னாள் ஜனாதிபதி யூன் சுக் இயோல் கடந்த ஆண்டு இராணுவச் சட்டத்தை அமல்படுத்த முயன்றது குறித்து விசாரணை நடத்தி வரும் சட்டத்தரணிகள் கோரிய கைதாணையை நீதிமன்றம் அங்கீகரித்ததை அடுத்து அவர் மீண்டும் சிறைக்குத் திரும்பியுள்ளார்.

கிளர்ச்சி செய்ததாக

சியோல் மத்திய மாவட்ட நீதிமன்றத்தின் தீர்ப்பு, டிசம்பரில் யூனின் நடவடிக்கை நீதியைத் தடுத்தல் மற்றும் அதிகார துஷ்பிரயோகம் ஆகியவற்றைக் குறிக்கிறது என்ற குற்றச்சாட்டுகள் மீதான சிறப்பு ஆலோசகர் விசாரணையை வலுப்படுத்தியது.

யூன் ஆதாரங்களை அழிக்க முயலக்கூடும் என்ற கவலைகள் காரணமாக இந்தக் கோரிக்கையை ஏற்றுக்கொண்டதாக நீதிமன்றம் ஒரு அறிக்கையில் தெரிவித்துள்ளது. யூன் ஏற்கனவே தனது இராணுவச் சட்ட ஆணையின் மீது கிளர்ச்சி செய்ததாக குற்றவியல் குற்றச்சாட்டுகளை எதிர்கொள்கிறார், அதிகபட்ச தண்டனையாக அவர் ஆயுள் தண்டனை அல்லது மரண தண்டனையை எதிர்நோக்கியுள்ளார்.

மாதம் ரூ 700 சம்பாதித்ததில் தொடங்கி... இன்று ஆண்டு வருவாய் பல கோடிகள்

நீதிமன்ற ஆணையை அடுத்து, தலைநகருக்கு தெற்கே சுமார் 20 கிமீ தொலைவில் உள்ள சியோல் தடுப்பு மையத்தில் மீண்டும் அவர் சிறையில் அடைக்கப்பட்டார். இந்த ஆண்டின் தொடக்கத்தில் அவர் 52 நாட்கள் சிறையில் கழித்தார், ஆனால் குறிப்பிட்ட சில காரணங்களுக்காக நான்கு மாதங்களுக்கு முன்பு விடுவிக்கப்பட்டார்.

தென் கொரியர்களை அதிர்ச்சிக்குள்ளாக்கிய மற்றும் பல மாத அரசியல் கொந்தளிப்பைத் தூண்டிய இராணுவச் சட்ட முயற்சிக்காக நாடாளுமன்றத்தின் பதவி நீக்க தீர்மானத்தை உறுதிசெய்து, அரசியலமைப்பு நீதிமன்றம் ஏப்ரல் மாதம் அவரை ஜனாதிபதி பதவியிலிருந்து நீக்கியது.

நியாயமற்ற நடவடிக்கை

ஜூன் மாதம் நாட்டின் புதிய ஜனாதிபதியாக லீ ஜே மியுங் தெரிவு செய்யப்பட்ட பிறகு, சிறப்பு சட்டத்தரணிகள் குழு தனது விசாரணையைத் தொடங்கியது, மேலும் யூன் மீதான கூடுதல் குற்றச்சாட்டுகளையும் அது ஆராய்ந்து வருகிறது.

மட்டுமின்றி, வட கொரியாவுடனான பதட்டங்களை வேண்டுமென்றே தூண்டிவிடுவதன் மூலம் யூன் தென் கொரியாவின் நலன்களைப் புண்படுத்தினாரா என்பது உள்ளிட்ட குற்றச்சாட்டுகள் குறித்த விசாரணையை சிறப்பு சட்டத்தரணிகள் குழு தற்போது விரைவுபடுத்தும் என்று எதிர்பார்க்கப்படுகிறது.

இதனிடையே, அவர் மீதான குற்றச்சாட்டுகளை அவரது சட்டத்தரணிகள் மறுத்துள்ளனர், மேலும் அவசர விசாரணையில் கைது கோரிக்கை நியாயமற்ற நடவடிக்கை என்றும் விமர்சித்துள்ளனர்.