லங்காசிறி FM
உலக மக்கள் பயங்கரவாத தாக்குதலுக்கு பழக அனுமதிக்க முடியாது! இந்த பைத்தியக்காரர்கள் வெல்ல முடியாது - ஜெலென்ஸ்கி
உலகை வெல்லக்கூடிய ஒரு பயங்கரவாதி இதுவரை இருந்ததில்லை என உக்ரைன் ஜனாதிபதி வோலோடிமிர் ஜெலென்ஸ்கி தெரிவித்துள்ளார்.
ரஷ்ய ஏவுகணை தாக்குதல்
உக்ரைனின் ஒடெசாவில் ரஷ்யாவின் கப்பல் எதிர்ப்பு ஏவுகணை X-22 தாக்கியுள்ளது. இதில் உக்ரைனின் மிகவும் மதிப்புமிக்க தேவாலயத்தில் ஒன்று தாக்குதலுக்கு உள்ளாகியுள்ளது.
அதேபோல், நேற்று இரவு மட்டும் ஒடெசாவில் கிட்டத்தட்ட 50 கட்டிடங்கள் சேதமடைந்ததாக உக்ரைன் ஜனாதிபதி ஜெலென்ஸ்கி தெரிவித்துள்ளார்.
ஜெலென்ஸ்கியின் பதிவு
இதுதொடர்பாக அவர் கூறுகையில், 'உலகெங்கிலும் உள்ள மக்கள் பயங்கரவாதத் தாக்குதல்களுக்குப் பழகுவதை அனுமதிக்க முடியாது. இந்த அனைத்து ஏவுகணைகளின் இலக்கு நகரங்கள், கிராமங்கள் அல்லது மக்கள் மட்டுமல்ல.
அவர்களின் இலக்கு மனிதநேயம் மற்றும் நமது முழு ஐரோப்பிய கலாச்சாரத்தின் அடித்தளமாகும். நேற்று இரவு மட்டும் ஒடெசாவில் கிட்டத்தட்ட 50 கட்டிடங்கள் சேதமடைந்தன, அவற்றில் 25 கட்டடக்கலை நினைவுச் சின்னங்கள்.
மூன்று நாட்களுக்கு முன்பு, இதேபோன்ற மற்றொரு தாக்குதலில் சீன துணைத் தூதரகத்தின் கட்டிடம் சேதமடைந்தது. வெளிப்படையாக, இவை அனைத்தும் உலகளாவிய அச்சுறுத்தல்.
உலக உணவுப் பாதுகாப்பிற்கு அடிப்படையான நகரங்களின் அழிவு, கலாச்சார அழிவு, துறைமுகங்களின் அழிவு. உலகை வெல்லக்கூடிய ஒரு பயங்கரவாதி இதுவரை இருந்ததில்லை, இந்த கிரெம்ளின் பைத்தியக்காரர்களும் வெற்றிபெற மாட்டார்கள்' என தெரிவித்துள்ளார்.
Getty Images
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP இல் இணையுங்கள். |
அச்சுவேலி, Woodbridge, Canada
18 Dec, 2010
புங்குடுதீவு 3ம் வட்டாரம், யாழ்ப்பாணம், நீர்கொழும்பு, பிரான்ஸ், France
16 Dec, 2016
யாழ்ப்பாணம், யாழ் அச்சுவேலி தோப்பு, Jaffna, பேர்ண், Switzerland
19 Nov, 2025
