பிரித்தானியாவில் 2-வது முறையாக மேயரான இந்திய வம்சாவளி நபர்! யார் இந்த சுனில் சோப்ரா?

பிரித்தானியாவில் இந்திய வம்சாவளியைச் சேர்ந்த சுனில் சோப்ரா இரண்டாவது முறையாக மேயராக தேர்ந்தெடுக்கப்பட்டுள்ளார்.

லண்டன் பரோ ஆஃப் சவுத்வார்க் நகரின் மேயராக இந்திய வம்சாவளியைச் சேர்ந்த தொழிலதிபர் சுனில் சோப்ரா இரண்டாவது முறையாகத் தேர்ந்தெடுக்கப்பட்டுள்ளார்.

யார் இந்த சுனில் சோப்ரா?

டெல்லியில் பிறந்த சோப்ரா மத்திய லண்டனில் உள்ள சவுத்வார்க் கதீட்ரல், மாண்டேக் குளோஸில் சனிக்கிழமை பதவியேற்றார்.

சோப்ராவின் தலைமையில் லண்டன் பிரிட்ஜ் மற்றும் வெஸ்ட் பெர்மாண்ட்சே இடங்களில் லிபரல் டெமாக்ராட்ஸை எதிர்த்து பிரித்தானியாவின் லேபர் கட்சி வெற்றி பெற்றுள்ளது.

இந்த இடங்கள் பல தசாப்தங்களாக எதிர்க்கட்சி வசம் இருந்தன. லண்டன் பரோ ஆஃப் சவுத்வார்க் கவுன்சிலில் 2 சதவீத இந்திய வம்சாவளியினர் மட்டுமே இருப்பதால் இந்த வெற்றி முக்கியமானது.

இதையும் படிங்க: லண்டன் போக்குவரத்து டிப்போவில் பயங்கர வெடிவிபத்து: தீப்பிடித்து எரிந்த பேருந்துகள் 

1. சவுத்வார்க் மேயரான முதல் இந்திய வம்சாவளி நபர்

சோப்ரா 2014-2015-ல் லண்டன் பரோ ஆஃப் சவுத்வார்க்கின் மேயராகவும், 2013-2014-ல் துணை மேயராகவும் இருந்தார். பரோவில் மதிப்புமிக்க பொறுப்பை வகித்த முதல் இந்திய வம்சாவளி நபர் ஆவார்.

2. 2014-ல் மேயராக தேர்ந்தெடுக்கப்பட்டார்

சோப்ரா 2010-ல் பிரித்தானிய அரசியலில் நுழைந்தார் மற்றும் 2014-ல் முதல் முறையாக லண்டன் பரோ ஆஃப் சவுத்வார்க்கின் மேயராக தேர்ந்தெடுக்கப்பட்டார். அவர் மூன்று முறை துணை மேயராகவும் பணியாற்றியுள்ளார்.

இதையும் படிங்க: பள்ளி சீருடையில் பழங்குடியின சிறுமியை உதைத்து தாக்கிய சிறுவன்! வீடியோ வைரலானதால் முதல்வர் நடவடிக்கை 

3. அரசியல் பயணம்

அவரது அரசியல் பயணம் அதற்கு நீண்ட காலத்திற்கு முன்பே 1970களில் டெல்லியில் தொடங்கியது. அவர் 1972-ல் டெல்லி பல்கலைக்கழகத்தின் தொழிற்கல்வி கல்லூரியின் முதல் தலைவராக ஆனார்.

எல்எல்பி படிக்கும் போது, 1973 முதல் 1974 வரை டெல்லி பல்கலைக்கழகத்தில் உச்ச கவுன்சிலராக பதவி வகித்தார். பின்னர், அவர் NSUI சங்கத்தின் (இந்திய தேசிய மாணவர் சங்கம்) புது தில்லியின் தலைவராகவும் ஆனார்.

4. உள்ளூர் சமூகப் பணிகளில் ஈடுபடுதல்

சோப்ரா நான்கு தசாப்தங்களுக்கும் மேலாக லண்டனில் வசித்து வருகிறார் மற்றும் உள்ளூர் சமூகப் பணிகளில் தீவிரமாக ஈடுபட்டுள்ளார். 1979-ஆம் ஆண்டில், பிரித்தானியாவிற்கு குடிபெயர்ந்த பிறகு, சோப்ரா ஒரு சில்லறை வணிகக் கடையைத் தொடங்கினார், அது குழந்தைகளுக்கான ஆடைகள் மற்றும் குழந்தைகளுக்கான தயாரிப்புகளின் மொத்த வணிகமாக வளர்ந்தது.

இதையும் படிங்க: இந்தியா உட்பட 16 நாடுகளுக்கு பயணிக்க தடை விதித்த பிரபல வளைகுடா நாடு! 

மேலும், கலாச்சார நிகழ்வுகள் மற்றும் சமூகப் பணிகளை ஏற்பாடு செய்வதன் மூலம் இந்திய கலாச்சாரத்தை மேம்படுத்துவதற்கான வாய்ப்பைப் பயன்படுத்திக் கொண்டார். அப்பகுதியில் உள்ள இந்திய சமூகத்திற்காக சவுத்வார்க் இந்து மையம் என்ற அமைப்பை அவர் இணைந்து நிறுவினார்.

5. இந்தியா - பிரித்தானிய உறவுகள்

சோப்ரா பிரித்தானியாவுக்கும் இந்தியாவுக்கும் இடையிலான பொருளாதார மற்றும் கலாச்சார உறவுகளை வலுப்படுத்துவதற்கான வேலைகளில் ஈடுபட்டுவருவதாக கூறப்படுகிறது. அவர் சவுத்வார்க்கை உள்நாட்டிலும் உலகளாவிய ரீதியிலும் மேம்படுத்துவதில் ஆர்வமாக உள்ளார் மேலும் பலதரப்பட்ட சமூகங்களை ஒன்றிணைப்பதில் ஆர்வமாக உள்ளார்.

இதையும் படிங்க: சிங்கத்தை வெறுப்பேற்றி விளையாடிய நபருக்கு நேர்ந்த பரிதாபம்! வைரலாகும் வீடியோ