முதுகில் குத்திய வாக்னர் படை., துரோகிகள் தண்டிக்கப்படுவார்கள்- புடின் காட்டம்

ரஷ்யாவில் ஆயுதமேந்திய கிளர்ச்சியை ஏற்பாடு செய்த வாக்னர் படைக்கு தண்டனை விதிக்கப்படும் என ஜனாதிபதி விளாடிமிர் புடின் கோபத்துடன் கூறியுள்ளார்.

ரஷ்ய ஜனாதிபதி விளாடிமிர் புடின் தனது கூலிப்படையான 'வாக்னர்' மூலம் உலகம் முழுவதையும் பயமுறுத்தினார். இந்த முறை அதே படைகள் புடினுக்கு எதிராக கிளர்ச்சியை அறிவித்தன.

மாஸ்கோவில் இராணுவத் தலைமையை அதிகாரத்தில் இருந்து அகற்ற தேவையான அனைத்து நடவடிக்கைகளும் எடுக்கப்படும் என்று ரஷ்யாவின் கூலிப்படை ஆயுதப் படையான 'வாக்னர்' தலைவரான Yevgeny Prigozhin சனிக்கிழமை அறிவித்தார்.

திடீரென்று கிளர்ச்சியை அறிவித்த வாக்னர் படை தலைவர்

புடினின் வாக்னர் படைகள் ரஷ்ய இராணுவத்துடன் கைகோர்த்து உக்ரைனில் போரில் நுழைந்தன. ஆனால் திடீரென்று சனிக்கிழமை அவர்கள் கிளர்ச்சியை அறிவித்தனர்.

"நாங்கள் முன்னோக்கி நகர்கிறோம், நாங்கள் இறுதிவரை செல்வோம்" என்று 'வாக்னர்' இராணுவத்தின் தலைவர் எவ்ஜெனி பிரிகோஜின் ஒரு ஆடியோ செய்தியில் கூறினார். தெற்கு ரஷ்யாவின் ரோஸ்டோவ் பகுதியில் தனது படைகள் ஏற்கனவே நுழைந்துவிட்டதாக அவர் கூறினார்.

Wagner fighters stand outside the Southern Military District headquarters in Rostov-on-Don- Image: Erik Romanenko/TASS/dpa/picture alliance

வாக்னர் அந்நாட்டு குடிமக்களையும் ரஷ்ய இராணுவத்திற்கு எதிரான போராட்டத்தில் தனது படைகளுடன் சேருமாறு கேட்டுக் கொண்டார். யாரேனும் அல்லது எதாவது வழிக்கு இடையூறாக இருந்தால், அது அழிக்கப்படும் என்றும் அவர் மிரட்டினார்.

புடினுக்கு மிகப்பெரிய சவாலாக மாறிய வாக்னர் படை

உக்ரைனுக்கு எதிரான போரில் ரஷ்ய ராணுவம் எழுந்து நிற்க முடியாத நிலையில், புடின் தனது கூலிப்படையை போருக்கு அனுப்பினார் என்பது குறிப்பிடத்தக்கது. வாக்னரின் படைகள் மிருகத்தனத்திற்கு பெயர் பெற்றவை. போர் தொடங்கியவுடன் வாக்னரின் படைகள் உக்ரைனில் ஒன்றன் பின் ஒன்றாக நகரைக் கைப்பற்றின.

ஆனால் சில மாதங்களுக்கு முன்பு இலக்கு நிறுத்தப்பட்டது. புட்டினின் கூலிப்படையினர் ரஷ்ய பாதுகாப்பு அமைச்சகத்துடன் நேரடி மோதலில் உள்ளனர். இந்த முறை வாக்னரின் படைகள் புடினுக்கு எதிராக நேரடியாக கிளர்ச்சியை அறிவித்தன. வாக்னரின் படைகள் உண்மையில் ரஷ்ய இராணுவத்திற்கு எதிராக போருக்குச் சென்றால், அது புடினுக்கு இன்னும் மிகப்பெரிய சவாலாக இருக்கும்.

இதனிடையே, மாஸ்கோ உட்பட ரஷ்யாவின் பல முக்கிய நகரங்களில் ஏற்கனவே பாதுகாப்பு பலப்படுத்தப்பட்டுள்ளது. மாஸ்கோ மேயர் அவர்கள் பயங்கரவாத எதிர்ப்பு நடவடிக்கையை தொடங்கி இருப்பதாக கூறினார். ரோஸ்டோவ் மற்றும் லிப்னெஸ்டிலும் பாதுகாப்பு அதிகரிக்கப்பட்டுள்ளது.

The Wagner Group claims to have captured parts of Rostov-on-DonImage: REUTERS

துரோகிகளுக்கு கடுமையான தண்டனை- புடின்

இந்நிலையில், பெரும் அதிர்ப்தி அடைந்துள்ள புடின், வாக்னரின் படையின் கிளர்ச்சியாழ் முதுகில் குத்தப்பட்டதாகவும், வாக்னரின் படைகளின் துரோகிகளுக்கு கடுமையான தண்டனை வழங்கப்படும் என்று புடின் எச்சரித்துள்ளார்.

ஆயுதமேந்திய கிளர்ச்சியை ஏற்பாடு செய்ததற்காக ரஷ்ய குற்றவியல் கோட் பிரிவு 279 இன் கீழ் பிரிகோஜின் மீது குற்றம் சாட்டப்பட்டதாக ரஷ்ய வழக்கறிஞர் ஜெனரல் அலுவலகம் தெரிவித்துள்ளது. ப்ரிகோஜினின் நடவடிக்கைகளால் அவருக்கு 12 முதல் 20 ஆண்டுகள் சிறைத்தண்டனை விதிக்கப்படலாம் என்று அலுவலகம் டெலிகிராமில் தெரிவித்துள்ளது.

Reuters 

Wagner mutiny, Vladimir Putin, Wagner Group, Yevgeny Prigozhin, Punishment, Russia, Cold war