லங்காசிறி FM
பாகிஸ்தான் பொதுத் தேர்தலில் போட்டியிடும் திருநங்கை Sobia Khan
பாகிஸ்தான் பொதுத் தேர்தலில் திருநங்கையான சோபியா கான் (Sobia Khan) பெஷாவரில் போட்டியிடுகிறார்.
பாகிஸ்தானில் உள்ள திருநங்கைகளுக்கு, குறிப்பாக கைபர் பக்துன்க்வா மாகாணத்தில், transgender சமூகத்தைச் சேர்ந்தவர்களுக்கு எதிராக அடிக்கடி வன்முறைகள் நடைபெறுகிறது. திருநங்கைகளுக்கு எப்போதும் இங்கு ஆபத்தான சூழலே இருக்கிறது.
இந்நிலையில், பாகிஸ்தானில் நடைபெறும் இந்த தேர்தல் திருநங்கைகளுக்கு பாரிய மாற்றத்தை ஏற்படுத்தும் என எதிர்பார்க்கப்படுகிறது.
தனது சமூகத்துக்காக நீண்ட நாட்களாக போராடி வரும் சோபியா, வரும் பாகிஸ்தான் பொதுத் தேர்தலில் போட்டியிடுகிறார். பல போராட்டங்களுக்கு பிறகு தேர்தல் களத்தில் இறங்கியுள்ளார்.
சோபியா ஒரு பட்டதாரி மற்றும் திருநங்கைகளுக்காக நீண்ட காலமாக போராடி வருகிறார். அவரது வெற்றி சமூகத்திற்கு ஒரு பாரிய செய்தியைக் கொடுக்கும் என்பதால் பாகிஸ்தானில் பலர் அவரது தேர்தல் நடவடிக்கைகளை கவனித்து வருகின்றனர்.
பெஷாவரில் வசிக்கும் சோபியா, தனது தொகுதியான PK-84 தொகுதியில் தேர்தலில் போட்டியிடும் முதல் திருநங்கை என்ற பெருமையைப் பெற்றுள்ளார். மாகாண சபைக்கு வேட்புமனு தாக்கல் செய்துள்ளார்.
தேர்தலில் வெற்றி பெற்றால், வீட்டு வேலை செய்து பிழைப்பு நடத்தும் பெண்களுக்கு நிதியுதவி செய்து தருவதாகவும், அவர்கள் வீட்டில் அமர்ந்து குழந்தைகளை எந்த கவலையும் இல்லாமல் வளர்க்கவும் நடவடிக்கை எடுப்பதாக சோபியா கூறுகிறார். குறிப்பாக தனது சமூகத்திற்காக பாடுபடுவேன் என்றும் உறுதியளித்துள்ளார்.
படிப்பு முடித்த பிறகும் நான் வேலையில்லாமல் இருந்தேன்...
ஜியோ நியூஸிடம் பேசிய சோபியா, தனது பாலியல் நோக்குநிலை காரணமாக, இளங்கலை பட்டம் பெற்றிருந்தாலும், நீண்ட காலமாக வேலையில்லாமல் இருப்பதாகவும், சமூகத்தில் ஏற்றுக்கொள்ளப்படுவதற்கு தொடர்ந்து போராடுவதாகவும் கூறினார்.
கைபர் பக்துன்க்வாவின் முதல் திருநங்கை ரேடியோ ஜாக்கி (transgender radio jockey) என்ற சாதனையை சோபியா பெற்றுள்ளார். தான் RJவாக இருந்தாலும் பலர் முகம் சுழிக்கிறார்கள், இந்த நிலை மாற வேண்டும் என்கிறார்.
இதில் அரசு அதிக கவனம் செலுத்த வேண்டும். பல்வேறு துறைகளில் மாற்றுத்திறனாளிகளை நியமிக்க வேண்டும். கைபர் பக்துன்க்வாவில் ஒரு திருநங்கை கூட வேலை செய்யவில்லை. வேலை இல்லை என்றால் எப்படி வாழ்வார்கள்? என கேள்வி எழுப்பியுள்ளார்.
பாகிஸ்தானின் தேசிய மற்றும் மாகாண சட்டசபைகளில் ஒதுக்கப்பட்ட இடங்களில் திருநங்கைகளுக்கு தனி பிரதிநிதித்துவம் கோரி சோபியா தனது சமூகத்தை பிரதிநிதித்துவப்படுத்த பெஷாவர் உயர் நீதிமன்றத்தில் வழக்கு தொடர்ந்தார்.
எங்களை பொது இடங்களில் போட்டியிட வைத்தால், மற்ற வேட்பாளர்களை எதிர்த்து நாங்கள் எப்படி வெற்றி பெறுவோம் என்பது தெளிவாகிறது என்று சோபியா கூறுகிறார்.
பாகிஸ்தானில், மத சிறுபான்மையினருக்கு தேசிய மற்றும் மாகாண சட்டசபைகளில் இடங்கள் ஒதுக்கப்பட்டுள்ளன. அதேபோல், தனது சமூகத்திற்கு இடங்களை ஒதுக்குவது முக்கியம் என சோபியா கூறியுள்ளார். அவர்களின் சமூகமும் பலவீனமாகவும் சிறுபான்மையினராகவும் இருப்பதால் அவர்களுக்கும் சீட் கிடைக்க வேண்டும் என்கிறார்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP இல் இணையுங்கள். |
Pakistan General Election, Transperson Sobia Khan Contesting From Peshawar, Sobia Khan contest Pakistan General Election, Transwoman Sobia Khan
பருத்தித்துறை, Kirchheim Unter Teck, Germany, சிவிக்ஸ் சென்டர்,வட்டக்கச்சி
11 Aug, 2025
அச்சுவேலி, Neuilly-sur-Marne, France, Brou-sur-Chantereine, France
12 Aug, 2025
யாழ்ப்பாணம், பொல்காவலை, வாழைச்சேனை, புன்னாலைக்கட்டுவன், Edmonton, United Kingdom
09 Aug, 2025
புங்குடுதீவு 4ம் வட்டாரம், புங்குடுதீவு 1ம் வட்டாரம், Drancy, France
08 Aug, 2023
யாழ் மண்கும்பான் கிழக்கு, Jaffna, Ivry-sur-Seine, France, புங்குடுதீவு 1ம் வட்டாரம்
12 Aug, 2025
வவுனியா, Lewisham, United Kingdom, Lee, United Kingdom, Orpington, United Kingdom
10 Aug, 2025
