லங்காசிறி FM
இந்தியாவில் ஒரு வாரமாக நிற்கும் F-35B போர் விமானம் - புதிய Royal Navy குழுவை அனுப்பும் பிரித்தானியா
Ragavan
in ஐக்கிய இராச்சியம்
இந்தியாவில் பழுதாகி நிற்கும் பிரித்தானியாவின் F-35B போர் விமானத்தை சீரமைக்க புதிய Royal Navy குழு இந்தியாவிற்கு வரவுள்ளது.
இந்தியாவில் திருவனந்தபுரம் விமான நிலையத்தில் கடந்த ஒரு வாரமாக நிறுத்தி வைக்கப்பட்டிருக்கும் F-35B Lightning II stealth விமானத்தை பரிசோதிக்க, பிரித்தானியாவிலிருந்து புதிய Royal Navy குழு விரைவில் கேரளா வரவுள்ளதாக NDTV தகவல் தெரிவித்துள்ளது.
இந்த ஐந்தாம் தலைமுறை அதிநவீன போர்விமானம், பிரித்தானியாவின் HMS Prince of Wales Carrier Strike Group-இன் ஒரு பகுதியாகும்.
இது இந்திய கடற்படையுடன் நடத்தப்பட்ட கூட்டுப்பயிற்சி முடிந்ததும் தங்கள் தளத்துக்கு திரும்பும்போது, இயந்திரத்தில் எரிபொருள் குறைவால், ஜூன் 14-ஆம் திகதி திருவனந்தபுரம் விமான நிலையத்தில் அவசரமாக தரையிறங்கியது.
தொடக்கத்தில், எரிபொருள் நிரப்பியதும் பறப்பதற்கான அனுமதி வழங்கப்பட்டது. ஆனால், பின்னர் தொழில்நுட்ப கோளாறு இருப்பது கண்டறியப்பட்டது.
இதையடுத்து பிரித்தானிய பொறியியலாளர்கள் மற்றும் மாற்று பைலட் ஹெலிகாப்டரில் விமானம் வந்த இடத்திற்கு கொண்டு வரப்பட்டனர்.
அடுத்த சில நாட்களில் பல முயற்சிகள் மேற்கொள்ளப்பட்டபோதும், விமானம் இன்னும் பறக்காத நிலையில் உள்ளது.
இந்நிலையில், புதியதாக 30 பேருக்கும் மேற்பட்ட குழு விரைவில் கேரளா வரவுள்ளதாக தகவல்கள் தெரிவிக்கின்றன.
விமானத்தை ஹாங்கருக்கு மாற்ற வேண்டுமா இல்லையா என்பது அந்த குழு ஆய்வு செய்த பிறகே முடிவெடுக்கப்படும்.
Air India வழங்கிய ஹாங்கர் வசதியைக் கூட Royal Navy ஏற்கவில்லை. இதற்கான காரணம், உயர் பாதுகாப்பு தொழில்நுட்பங்களை (protected technologies) வெளிக்காட்டும் அபாயம் இருக்கலாம் என்பதாக தகவல்கள் தெரிவிக்கின்றன.
F-35B, குறுகிய தூரம் பறக்கும் மற்றும் செங்குத்தாக இறங்கும் (STOVL) திறனால் பிரபலமானது. ஆனால் தற்போதைய சிக்கல், பிரித்தானிய அதிகாரிகளை குழப்பத்தில் ஆழ்த்தியுள்ளது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
F-35B emergency landing India, UK fighter jet Kerala repair, F-35B Thiruvananthapuram airport, Royal Navy stealth jet India, HMS Prince of Wales jet issue, British engineers F-35B India, F-35B technical malfunction, STOVL fighter India news, UK fighter jet hangar issue, Protected tech fighter aircraft
யாழ் தும்பளை மேற்கு, Jaffna, புலோலி வடக்கு, London, United Kingdom
16 Jun, 2025
கொழும்பு, பருத்தித்துறை, Mengede, Germany, Dortmund, Germany, Wuppertal, Germany
17 Jun, 2025
வல்வெட்டித்துறை, London, United Kingdom, Aylesbury, United Kingdom
13 Jun, 2025
குரும்பசிட்டி, Frankfurt Am Main, Germany, Paris, France, London, United Kingdom
20 Jun, 2025
அரியாலை, கொழும்பு, Georgetown, Guyana, Edgware, United Kingdom
17 Jun, 2025
