நாவை கட்டி போடும் யாழ்ப்பாணத்து இறால் குழம்பு செய்வது எப்படி?

Report Print Kavitha in உணவு

யாழ்பாண மக்களின் உணவுவே தனி ருசி தான் என்று சொல்ல முடியும்.

அந்தவகையில் இலங்கை வாழ் யாழ் மக்கள் ரசித்து ருசித்து சாப்பிடகூடிய உணவுகளில் இறால் குழம்பும் முக்கிய இடம் பெறுகின்றது.

தற்போது ருசியான இறால் குழம்பு எப்படி செய்வது என்பதை பார்ப்போம்.

தேவையான பொருட்கள்
  • இறால் – 20
  • வெங்காயம் – 1
  • பச்சை மிளகாய் – 1
  • பெரும்சீரகம் – ¼ தேக்கரண்டி
  • வெந்தயம் – ¼ தேக்கரண்டி
  • தட்டிய பூண்டு – 4
  • மிளகாய்த் தூள் – 1 ரீ ஸ்பூன்
  • மல்லித் தூள் – ½ ரிஸ்பூன்
  • மஞ்சள் – ¼ ரிஸ்பூன்
  • தேங்காய்ப்பால் – ¼ கப்
  • உப்பு – தேவைக்கு
  • புளிக்கரைசல் – தேவையான அளவு
  • ரம்பை – 4 துண்டு
  • கறிவேற்பிலை – சிறிதளவு.
  • எண்ணெய் – 1 டேபிள் ஸ்பூன்
செய்முறை

இறாலை தலை வால் நீக்கி கோதுகளைக் கழற்றி சுத்தம் செய்யுங்கள்.

உடம்பின் மேற்புறத்தைக் கீறி, சாப்பாட்டுக் குடலை எடுத்துவிடுங்கள். நன்கு கழுவி, நீர் வடியவிட்டு கோப்பையில் எடுங்கள்.

எண்ணையில் சோம்பு, வெந்தயம், பூண்டு வதக்கி, பச்சை மிளகாய் வெங்காயம் சேர்த்து வதங்க விடுங்கள்.

ரம்பை, கறிவேற்பிலை சேருங்கள். இறால் சேர்த்து உப்புப் போட்டு கிளறி, சிறிது பொரிய விடுங்கள். மிளகாய்தூள், மஞ்சள்தூள் , மல்லித் தூள் சேர்த்து கிளறி ஒரு நிமிடம் வதக்குங்கள்.

புளிக்கரைசல் ஊற்றிக் கொதிக்க விடுங்கள். இறுதியாக தேங்காய்பால் ஊற்றி பரிமாறும் கிண்ணத்திற்கு மாற்றி விடுங்கள்.

தற்போது சுவையான யாழ்ப்பாணத்து இறால் குழப்பு தயார். இதனை புட்டு,இடியாப்பம்,தோசை போன்றவற்றுடன் சாப்பிடலாம்.

மேலும் உணவு செய்திகளைப் படிக்க இங்கே அழுத்தவும்

Latest Offers