20 வயது பெண்ணின் கருப்பையை ஸ்கேன் செய்து பார்த்த மருத்துவருக்கு காத்திருந்த அதிர்ச்சி! என்ன இருந்தது தெரியுமா?

Report Print Santhan in ஏனைய நாடுகள்

ஐக்கிய அரபு அமீரகத்தில் 20 வயது இளம் பெண்ணின் கருப்பையை ஸ்கேன் செய்து பார்த்த போது கருப்பையால் உருவான 6 கிலோ கட்டி இருப்பதைக் கண்டு மருத்துவர்கள் அதிர்ச்சியடைந்துள்ளனர்.

ஐக்கிய அரபு அமீரகத்தின், சார்ஜா மருத்துவ பல்கலைக்கழகத்தின் மருத்துவனையில் கடும் வயிற்று வலி மற்றும் வீக்கத்துடன் 20 வயது பெண் அனுமதிக்கப்பட்டார்.

அவருக்கு நீண்ட காலமாக செரிமான கோளாறு மற்றும் நடப்பதில் பிரச்சனை இருந்துள்ளது. இதனால் பல மருத்துவமனைகளுக்கு சென்றுள்ளார். ஆனால் எந்த ஒரு பலனும் கிடைக்கவில்லை.

அதன் பின் மருத்துவர்களிடம் சென்று பரிசோதனை(ஸ்கேன்) செய்து பார்த்த போது, கருப்பையில் கட்டி வளர்ச்சியடைந்திருப்பதை பார்த்து அதிர்ந்தனர்.

அந்த கட்டி கருப்பை குழாயில் இருந்து வளர்ச்சியடைந்ததும் கண்டுபிடிக்கப்பட்டது. இதனால், மருத்துவர்கள் உடனடியாக அறுவை சிகிச்சை செய்ய முடிவு செய்தனர்.

ஆனால், அதில் பெரும் சவால் காத்திருந்தது. ஏனெனில் கட்டி மிக நெருக்கமாக கருப்பையில் உள்ளதால், கருப்பை குழாய் மற்றும் கருமுட்டை பகுதிகள் சேதமடையாமல் அறுவை சிகிச்சை செய்ய வேண்டும்.

ஒருவேளை சேதம் ஏற்பட்டால் இனப்பெருக்க உறுப்புகள் பாதிக்கப்பட்டு அந்த பெண்ணின் எதிர்காலம் கேள்விக்குறியாகும் நிலை இருந்தது.

இதன் காரணமாக மிக நுட்பமான அறுவை சிகிச்சையில் அகற்ற முடிவு செய்யப்பட்டது. இதற்காக பல்கலைக்கழகத்தின் மகப்பேறு மருத்துவம் மற்றும் அறுவை சிகிச்சை நிபுணர் டாக்டர் முகம்மது ஜாயித் தலைமையிலான மருத்துவ குழு அந்த பெண்ணுக்கு அறுவை சிகிச்சையை மேற்கொண்டது.

பல மணி நேரம் நடைபெற்ற அறுவை சிகிச்சையில் அந்த பெண்ணின் வயிற்றில் இருந்த 6 கிலோ எடையுள்ள கட்டியானது அகற்றப்பட்டது. மருத்துவர்களின் இந்த சாதனைக்கு சார்ஜா மருத்துவ பல்கலைக்கழகத்தின் செயல் இயக்குனர் டாக்டர் அலி ஒபைத் அல் அலி பாராட்டு தெரிவித்தார்.

மேலும் ஏனைய நாடுகள் செய்திகளைப் படிக்க இங்கே அழுத்தவும்