போப் ஆண்டவர் பயன்படுத்திய வாகனங்கள் ஏலம்: நெகிழ வைக்கும் பின்னணி

Report Print Peterson Peterson in ஐரோப்பா

போலந்து நாட்டில் கத்தோலிக்க மதத் தலைவரான போப் ஆண்டவர் பயன்படுத்திய வாகனங்கள் ஏலத்தில் விடப்பட்டுள்ளதாக தகவல்கள் தற்போது வெளியாகியுள்ளன.

கத்தோலிக்க மதத்தலைவரான போப் பிரான்சிஸ் புகலிடம் கோரி வரும் அகதிகளுக்கு பல்வேறு உதவிகளை செய்து வருகிறார்.

அகதிகளுக்கு புகலிடம் அளிப்பது மட்டுமில்லாமல் அவர்களுக்கு நிதியுதவியையும் போப் பிரான்சிஸ் செய்து வருகிறார்.

இந்நிலையில், போலந்து நாட்டில் கத்தோலிக்க தேவாலயம் சார்பில் நடைபெற்ற உலக இளைஞர்கள் தின நிகழ்ச்சியில் போப் பிரான்சிஸ் கலந்துக்கொண்டார்.

இதனை தொடர்ந்து அடுத்தடுத்து பல்வேறு நிகழ்ச்சிகளிலும் போப் பிரான்சிஸ் கலந்துக்கொண்டார். இதற்காக, அவர் 3 வாகனங்களில் பயணம் செய்துள்ளார்.

தற்போது இந்த 3 வாகனங்களையும் விற்பனை செய்வதன் மூலம் கிடைக்கும் தொகையை அகதிகளுக்கு செலவிட தீர்மானிக்கப்பட்டுள்ளது.

இந்த ஏலமானது கடந்த யூலை மாதமே விடப்பட்டுள்ளது. எதிர்வரும் அக்டோபர் 9-ம் திகதி வரை இந்த 3 கார்களும் ஏலத்தில் இருக்கும்.

இதுமட்டுமில்லாமல், போப் பிரான்சிஸ் பயன்படுத்திய இந்த 3 கார்களிலும் ”KI POPE", "K2 POPE" மற்றும் "K3 POPE” என்ற பெயர்கள் இடம் பெற்றுருக்கும்.

மேலும், இக்கார்களில் போப் பிரான்சிஸ் எங்கு பயணம் செய்தார் என்பது உள்ளிட்ட தகவல்கள் அடங்கிய ஆவணங்களும் வழங்கப்படும்.

தற்போது லெபனான் நாட்டில் புகலிடத்திற்காக காத்திருக்கும் அகதிகளின் மருத்து பயன்பாட்டிற்காக இந்த ஏலத்தொகை பயன்படுத்தப்படும் என தகவல்கள் வெளியாகியுள்ளது.

மேலும் ஐரோப்பா செய்திகளைப் படிக்க இங்கே அழுத்தவும்

Latest Offers

Comments