ஆபாச சினிமா ஒளிபரப்பி வாடிக்கையாளர்களை அதிர்ச்சிக்குள்ளாக்கிய சுவிஸ் உணவகம்: இது முதல் முறையல்ல

Report Print Balamanuvelan in சுவிற்சர்லாந்து

சுவிஸ் மெக் டொனால்ட் உணவகம் ஒன்றில் உணவருந்த வந்த வாடிக்கையாளர்கள் பலர் தொலைக்காட்சியில் ஆபாச படம் ஒளிபரப்பானது கண்டு அதிர்ச்சியடைந்தனர். Schwyz பகுதியில் அமைந்துள்ள மெக் டொனால்ட் உணவகம் ஒன்றில் சுமார் 30 பேர் உணவருந்திக் கொண்டிருந்தனர்.

அங்கு வைக்கப்பட்டிருந்த தொலைக்காட்சியில் தொடர்ந்து ஆபாச இணைய தளங்கள் குறித்த விளம்பரங்கள் ஒளிபரப்பப்பட்டதோடு ஒரு ஆபாச சினிமாவும் காட்டப்பட்டது. உணவக ஊழியர்களிடம் ஒரு சில வாடிக்கையாளர்கள் இது குறித்து தெரிவித்தும் அவர்கள் அதை கண்டுகொள்ளவில்லை.

பல வாடிக்கையாளர்கள் அசௌகரியமாக உணர்ந்ததால் அதை கவனிக்காதது போல திரும்பி உட்கார்ந்து கொண்டனர்.

சுவிஸ் மெக் டொனால்ட் உணவகத்தில் ஆபாச படம் காட்டப்பட்டது இது முதல் முறையல்ல. ஏற்கனவே 2014ஆம் ஆண்டு Solothurn பகுதியில் ஒரு உணவகத்தில் ஆபாச படம் காட்டப்பட்டதோடு, சர்வதேச ஊடகங்கள் அதை செய்தியாக்கியதால் உலகம் முழுவதும் அந்த சம்பவம் பேசப்பட்டது.

தடுப்பதற்காக மெக் டொனால்ட் உணவகங்களில் பணிபுரியும் ஊழியர்களுக்கு Eurosport உள்ளிட்ட சில குறிப்பிட்ட சேனல்களை மட்டுமே தேர்ந்தெடுக்க அறிவுறுத்தப்பட்டுள்ளது.

ஏனென்றால் அவற்றில் எந்த ஆபாச காட்சிகளும் ஒளிபரப்பப்படுவதில்லை. இந்நிலையில் நடந்த சம்பவத்திற்கு வருத்தம் தெரிவித்துள்ள மெக் டொனால்ட் செய்தி தொடர்பாளர் ஒருவர், மீண்டும் ஒரு முறை ஊழியர்களுக்கு விதிகள் குறித்து அறிவுறுத்தப்படும் என்று தெரிவித்துள்ளார்.

மேலும் சுவிற்சர்லாந்து செய்திகளைப் படிக்க இங்கே அழுத்தவும்