பெற்ற மகளை கர்ப்பமாக்கிய தந்தை: விரைவில் திருமணம் செய்து கொள்ள திட்டம்

Report Print Raju Raju in ஏனைய நாடுகள்

கானா நாட்டை சேர்ந்த இளம்பெண்ணை அவர் தந்தை கர்ப்பமாக்கிய நிலையில் அவரையே திருமணம் செய்யவுள்ளது அதிர்ச்சியை ஏற்படுத்தியுள்ளது.

மாபில் அகோஷா (20) தனது தந்தையுடன் வசித்து வந்த நிலையில் 12 வயதிலிருந்தே தந்தை அவருக்கு பாலியல் தொல்லை கொடுத்துள்ளார்.

தொடர் பலாத்காரம் காரணமாக மாபில் கர்ப்பமானார். இதையடுத்து அவரை இரண்டாம் தாரமாக திருமணம் செய்ய தந்தை முயன்று வருகிறார்.

இது குறித்து குடும்பத்தினருடன் அவர் பேச குடும்பத்தார் எதிர்ப்பு தெரிவித்துள்ளனர்.

ஆனால், இதற்கு சம்மதிக்கவில்லை என்றால் மாபிலை கொலை செய்துவிடுவேன் என அவர் தந்தை மிரட்டியுள்ளார்.

இதுநாள் வரை இச்சம்பவம் வெளியில் தெரியாத நிலையில், தற்போது தனியார் வானொலியில் தனக்கு நேர்ந்த கொடுமைகளை மாபில் பேசியுள்ளார்.

அவர் கூறுகையில், பல ஆண்டுகளாக நான் தந்தையால் வேதனை அனுபவித்து வருகிறேன், அவர் என்ன மிரட்டினாலும் அவரை என்னால் திருமணம் செய்ய முடியாது.

இதுநாள் வரை பயந்தது போல இனி பயப்பட மாட்டேன் என கூறியுள்ளார்.

வானொலி மூலம் இந்த விடயம் தற்போது வெளியில் தெரியவந்துள்ளதால் மாபிலின் தந்தை மீது நடவடிக்கை எடுக்கப்படும் என தெரியவந்துள்ளது.

மேலும் ஏனைய நாடுகள் செய்திகளைப் படிக்க இங்கே அழுத்தவும்