அமெரிக்க அதிபர் ஆன ஜோ பைடன் போடவுள்ள முக்கிய 15 உத்தரவுகள் இது தானாம்! கசிந்த தகவல்

Report Print Santhan in அமெரிக்கா
408Shares

இஸ்லாமியா நாடுகளில் இருந்து வருவோருக்கு விதிக்கப்பட்ட தடை நீக்கம், இந்தியர்களுக்கு கிரீன் கார்டு வழங்குதல், ஐடி துறையில் அதிகமான விசா வழங்கல், 100 நாட்கள் கட்டாய முகக்கவசம் உள்ளிட்ட 15 முக்கிய உத்தரவுகளை அதிபரான ஜோ பைடன் அறிவிப்பார் என்று எதிர்பார்க்கப்படுகிறது.

அமெரிக்காவின் 46-வது அதிபராக ஜோ பைடன் இன்று பதவி ஏற்றார். அவர் பதவி ஏற்ற பின் 15 முக்கிய உத்தரவுகளில் கையொப்பமிட உள்ளதாக கூறப்படுகிறது.

அதில் முக்கியமானது சட்டவிரோதமாக அமெரிக்காவுக்குள் குடிபெயர்ந்து வாழ்ந்துவரும் வெளிநாட்டவர்களுக்குக் குடியுரிமை வழங்கும் மசோதா, கிரீன் கார்டு வழங்குதல் போன்றவை என்று தகவல்கள் தெரிவிக்கின்றன.

இந்த மசோதாவில் கையொப்பமிட்டு நாடாளுமன்றத்துக்கு அனுப்பி வைக்கப்பட்டு அனுமதி வழங்கப்பட்டால் கடந்த 8 ஆண்டுகளாகக் குடியுரிமை இல்லாமல் இருக்கும் இந்தியர்கள் உள்ளிட்ட வெளிநாட்டவர்களுக்கு மிகப்பெரிய நிம்மதி கிடைக்கும்.

ஆயிரக்கணக்கான இந்திய தகவல் தொழில்நுட்பப் பணியாளர்கள் கிரீன் கார்டு பெறுவார்கள்.

குறிப்பிட்ட இஸ்லாமிய நாடுகளில் இருந்து மக்கள் வருவதற்கான தடையை விலக்குதல், பருவநிலை மாறுபாட்டு ஒப்பந்தத்தில் மீண்டும் இணைதல், கொரோனாவை கட்டுப்படுத்தும் வகையில் அடுத்த 100 நாட்களுக்கு மக்கள் கட்டாயமாக முகக்கவசம் அணிதல், மக்களுக்குப் பொருளாதார உதவி, அதிபர் டிரம்ப் நிர்வாகத்தில் தவறாக எடுக்கப்பட்ட முடிவுகளைத் திரும்பப் பெறுதல் போன்றவை அந்த உத்தரவுகளில் உள்ளதாம்.

இதன் மூலம் அமெரிக்கா முன்னோக்கி நகரும், அமெரிக்க மக்களுக்கு அளித்த வாக்குறுதியையும் நிறைவேற்றுவோம்.

உலக சுகாதார அமைப்பிலிருந்து அமெரிக்கா டிரம்ப் நிர்வாகத்தில் வெளியேறியது. நிதியுதவியையும் நிறுத்தியது. அமெரிக்கா, உலக சுகாதார அமைப்பில் மீண்டும் இணைந்து நிதியுதவி வழங்கும். உலக சுகாதாரக் கூட்டத்திலும் அமெரிக்கா வருங்காலத்தில் பங்கேற்கும்.

பாரீஸ் பருவநிலை மாறுபாட்டு ஒப்பந்தத்தில் அமெரிக்கா டிரம்ப் நிர்வாகத்தில் வெளியேறியது. அந்த உத்தரவு மறு ஆய்வு செய்யப்படும். புதிய வேலைவாய்ப்புகள், பருவநிலை மாற்றச் சிக்கல்களைத் தீர்க்கும் நடவடிக்கைகள் போன்றவை எடுக்கப்படும்.

கருப்பினத்தவர்கள், லாட்னோ, பூர்வீக அமெரிக்கர்கள், ஆசிய அமெரிக்கர்கள், மூன்றாம் பாலினத்தவர்கள், எல்ஜிபிடி பிரிவினர், மதச்சிறுபான்மையினர் ஆகியோர் அனைவரையும் சமமாக நடத்தும் உத்தரவு பிறப்பிக்கப்படும்.

மெக்சிகோவில் இருந்து அமெரிக்காவில் அகதிகள் நுழையாத வகையில் டிரம்ப் ஆட்சியில் சுவர் எழுப்ப நிதி ஒதுக்கீடு செய்யப்பட்டது. அந்த நிதியுதவி உடனடியாக ரத்து செய்யப்படும் என்பதும் வரும் உத்தரவில் அறிவிக்கப்படலாம் என்று கூறப்படுகிறது.

மேலும் அமெரிக்கா செய்திகளைப் படிக்க இங்கே அழுத்தவும்