கருணாநிதியை சந்தித்து ஆசிபெற்ற ரஜினி: என்ன பேசினார்கள் தெரியுமா?

Report Print Arbin Arbin in இந்தியா
383Shares
383Shares
lankasrimarket.com

திமுக தலைவர் கருணாநிதியை சந்தித்து புத்தாண்டு வாழ்த்துகளை தெரிவித்ததோடு, தன்னுடைய அரசியல் பிரவேசம் குறித்து அவரிடம் தெரிவித்ததாக நடிகர் ரஜினிகாந்த் தெரிவித்துள்ளார்.

நடிகர் ரஜினிகாந்த் கடந்த டிசம்பர் 31ம் திகதி தான் அரசியலுக்கு வருவது உறுதி என்று அறிவித்தார். இதனையடுத்து புத்தாண்டன்று அரசியல் மாற்றம் விரும்புபவர்கள் பதிவு செய்வதற்காக இணையதளம் மற்றும் செயலியை அறிமுகம் செய்து வைத்தார்.

தான் அரசியலுக்கு வருவதாக ரஜினி அறிவித்த பிறகு, நேற்று ஊடகத்தினரை சந்தித்து ரஜினி பேசினார்.

அரசியல் அறிவிப்புக்குப் பிறகு ரஜினி படு சுறுசுறுப்பாக செயல்பட்டு வருகிறார். அரசியலுக்கு வரும் முடிவை எடுத்த பிறகு அரசியல் ஆலோசகர்களை தன்னுடைய போயஸ் கார்டன் வீட்டிற்கு அழைத்து கலந்துரையாடி வந்தார் ரஜினி.

இந்நிலையில் இன்று முதன்முறையாக நடிகர் ரஜினிகாந்த் திமுக தலைவர் கருணாநிதியை சந்தித்தார். அவருடைய முதல் அரசியல் கட்சி தலைவரின் சந்திப்பு இது.

சென்னை கோபாலபுரம் வந்த ரஜினிகாந்த் சுமார் 20 நிமிடங்கள் கருணாநிதியை சந்தித்தார். அவருடன் திமுக செயல்தலைவர் மு.க.ஸ்டாலினும் உடன் இருந்தார்

இந்த சந்திப்பிற்குப் பின்னர் பேசிய அவர், கருணாநிதியை சந்தித்து புத்தாண்டு வாழ்த்து தெரிவித்தேன். அவருடைய உடல்நலனை கேட்டறிந்தேன், என்னுடைய அரசியல் பிரவேசம் குறித்து அவரிடம் கூறி ஆசி பெற்றோன் என்றார்.

முன்னதாக போயஸ் கார்டனில் இருந்து கோபாலபுரம் செல்லும் வழியில் செய்தியாளர்களிடம் நடிகர் ரஜினிகாந்த் பேசினார். அப்போது, திமுக தலைவர் கருணாநிதி என்னுடைய நண்பர். எனவே மரியாதை நிமித்தமாக அவரை சந்திக்கிறேன், அவருக்கு புத்தாண்டு வாழ்த்துகளை தெரிவிக்கப் போகிறேன் என்றார்.

அரசியலுக்கு வருவது உறுதி என்று ரஜினி அறிவித்த நிலையில் முதன்முறையாக திமுக தலைவர் கருணாநிதியை அவர் சந்தித்துள்ளார் என்பது குறிப்பிடத்தக்கது.

மேலும் இந்தியா செய்திகளைப் படிக்க இங்கே அழுத்தவும்