1200 கோடி சொத்து எப்படி வந்தது? காருக்குள் அதிகாரிகளிடம் கெஞ்சிய நடிகர் விஜய்: அம்பலமான உண்மைகள்

Report Print Santhan in பொழுதுபோக்கு

பிரபல திரைப்பட நடிகரான விஜய் வீட்டில் வருமான வரித்துறையினர் சோதனை மேற்கொண்டது பரபரப்பாக பேசப்பட்ட நிலையில், அவரை அழைத்து வந்த போது காரின் உள்ளே என்ன நடந்தது என்பது குறித்த தகவல் வெளியாகியுள்ளது.

தமிழ் சினிமாவில் உச்சத்தில் இருக்கும் நடிகர்களில், விஜயும் ஒருவர், இவர் தற்போது லோகேஷ் கனகவேல் ராஜ் இயக்கத்தில் உருவாகி வரும் மாஸ்டர் என்ற படத்தில் நடித்து வருகிறார்.

இப்படத்திற்கான படப்பிடிப்பு நெய்வேலியில் நடந்த போது, திடீரென்று வருமான வரித்துறையினர், விஜயிடம் விசாரணை மேற்கொண்டனர். அதைத் தொடர்ந்து , வீட்டில் சோதனை நடத்தப்பட்டது. அதன் பின் அவரிடம், மனைவி சங்கீதாவிடமும் வாக்குமூலம் பெறப்பட்டது.

இந்நிலையில் இந்த வருமான வரி சோதனை குறித்து பிரபல தமிழ் நாளிதழான குமுதம் செய்தி வெளியிட்டுள்ளது. அதில் வருமான வரித் துறையினரிடம் விஜய் காருக்குள் கதறியதாக குறிப்பிட்டுள்ளது.

விஜயை அழைத்து சென்ற அதிகாரி ஒருவர் காருக்குள் அவரை என்ன செய்தோம் என்று குறித்த நாளிதழக்கு பேட்டி அளித்துள்ளார். அதில்

நடிகர் விஜய் எப்போதும் அவரது ஜாக்குவார் காரில்தான் படப்பிடிப்புக்குச் செல்வார்.

நாங்கள் படப்பிடிப்பு தளத்தில் நுழைந்து அவரைத் தூக்கினோம். விஜய் அவரது காரில் வர அனுமதி கேட்டதும் ஐ.டி. அதிகாரிகள் சம்மதம் தெரிவித்தனர்.

ஆனால், நெய்வேலியைத் தாண்டியதும் நாங்கள் அவர்களை இன்னோவா காரில் விஜய்யை ஏற்றி கொண்டோம். அப்போது காரில் அமர்ந்திருந்த நாங்கள் Cellphone – இல், எங்களின் உயர் அதிகாரிகளிடம் பேசுவது போன்று, அதெல்லாம் விட மாட்டோம், நசுக்கிடுவோம் சார் எத்தனையோ வி.ஐ.பி.க்களை அடிச்சிருக்கோம், இதுல என்ன சார் இருக்கு என்று விஜயை பயமுறுத்துவது போலவே பேசி வந்தோம்.

அதன்பிறகு விஜய்யின் பக்கத்தில் நாங்கள் இருபுறமும் அமர்ந்தோம், பிறகு சென்னைக்கு வரும் வரை கேள்விகளால் அவரை துளைத்தெடுதோம். லண்டனில் இருக்கும் அவரது மாமனார் சொர்ணலிங்கம் அவர்களிடமும் விசாரணை செய்தோம்.

அதாவது, அவருக்கு 1200 கோடிகளுக்கும் மேலுள்ள சொத்துக்கள், சர்வதேச வங்கிகளில் கடன் வாங்கிக் குவித்த சொத்துக்கள், சென்னை, இலங்கை, மும்பை, கூர்க் உள்ளிட்ட இடங்களில் உள்ள சொத்துக்கள் குறித்த ஆவணங்களைக் காட்டினோம்.

காட்டிய மறு நொடியில் ஆடிவிட்டார் விஜய். இந்த சொத்துக்களை எல்லாம் ஐ.டி.யில் அட்டாச் செய்தால் உங்கள் நிலைமை மோசமாகும் என்று சொல்லவும் கண்கள் கலங்க, கதறும் நிலைக்குப் போன விஜய் , நான் இதை பல ஆண்டுகளாக கடுமையாக உழைத்து வாங்கிய சொத்துக்கள். ஐ.டியில் எவ்வளவு வருமான வரி கட்டணுமோ, அதைக் கட்டிவிடுகிறேன் என தழுதழுத்த குரலில் சொன்னார்.

அவற்றை எல்லாம் அப்புறம் பார்த்துக் கொள்ளலாம். முதலில் நீங்கள் வாயைக் கட்டுப்படுத்த வேண்டும். அதேபோன்று நீங்கள் ஜேப்பியார் மகள் ரெஜினா கும்பலுடன் தொடர்பில் இருக்கக் கூடாது. கிறிஸ்தவ மிஷனரிகள் உங்கள் மூலமாகத்தான் பல்வேறு நிதிகளை அனுப்பி வைப்பதாகச் சொல்கிறார்கள்.

மதமாற்றத்துக்கு ஆதரவு கொடுக்கக் கூடாது. எல்லாவற்றையும் நிறுத்த வேண்டும் என விடிய விடிய அவரின் வீட்டில் வைத்தே விஜய்க்கு கிளாஸ் எடுத்தோம். ஐ.டியின் டீலிங்குகளுக்கு விஜய் தற்காலிகமாக ஓகே சொன்னதாகத் தெரிகிறது.

திரையில்தான் எல்லா ஹீரோக்களும் சொக்கத் தங்கமாக மின்னுவார்கள். நிஜத்தில் அனைவரும் சரண்டர்தான் என்று அந்த பேட்டியில் வருமான வரித்துறை அதிகாரி ஒருவர் தெரிவித்துள்ளார்.

மேலும் பொழுதுபோக்கு செய்திகளைப் படிக்க இங்கே அழுத்தவும்

Latest Offers